नयाँ दिल्ली, 17 मार्च (हि.स.)। देशभरिमा जारी ह्यूमन पेपिलोमावायरस (एचपीवी) टीकाकरण अभियानले गति समातेको छ। स्वास्थ्य मन्त्रालयका एक अधिकारी अनुसार, अभियान शुरू भएको केवल दुई हप्ताभित्र 14 वर्षीय लगभग 3 लाख किशोरीहरूलाई टीका लगाइएको छ।

स्वास्थ्य मन्त्रालयका एक अधिकारीले बताए, मध्य प्रदेश, आन्ध्र प्रदेश, तमिलनाडु, गुजरात, ओडिशा र मिजोरम जस्ता राज्य यस अभियानमा अगाड़ी छन्। यी राज्यहरूमा स्कूलहरू र स्वास्थ्य विभागको सहयोगले व्यापक स्तरमा टीकाकरण भइरहेको छ।

एचपीवी भ्याक्सिन गर्भाशय ग्रीवा (सर्वाइकल) क्यान्सरदेखि बचावमा अहम भूमिका खेल्दछ, जुन महिलाहरूमा हुने सबैभन्दा साधारण क्यान्सरहरूमध्ये एक हो। स्वास्थ्य अधिकारीहरूले भने, अभियानलाई लिएर माता-पिता, स्कूलहरू र समुदायहरूमा जागरूकता बढ़िरहेको छ, जसले गर्दा टीकाकरणप्रति सकारात्मक प्रतिक्रिया प्राप्त भइरहेको छ।

अभियानलाई शैक्षणिक सत्रमा शुरू गरिएको छ। धेरै राज्यहरूमा यस समय परीक्षाहरू चलिरहेको छ, तरैपनि टीकाकरणको रफ्तार कायम छ। अधिकारीहरूले स्वीकार गरे कि परीक्षा सत्र समाप्त भएपछि अभियान अझ् तीव्र हुनेछ, जसबाट धेरैभन्दा धेरै किशोरीहरूले यसको लाभ पाउनेछन्।

स्वास्थ्य विभाग स्कूलहरू, स्थानीय निकाय र स्वास्थ्यकर्मीहरूको साथ मिलेर टीकाकरणको व्यवस्थालाई सुचारू बनाउनमा जुटेको छ। अभिभावकहरूसित पनि उनीहरूले पात्र केटीहरूलाई समयमा टीका लगाउन प्रोत्साहित गर्ने अपील गरिँदैछ। स्वास्थ्य मन्त्रालय अनुसार, यो अभियान देशका छोरीहरूलाई सर्वाइकल क्यान्सरबाट सुरक्षित राख्ने दिशामा एक महत्वपूर्ण पहल हो।

हिन्दुस्थान समाचार / भवानी थामी