हनुमानगढ़, 17 मार्च (हि.स.)। जिल्लामा मंगलवार बिहान ठूलो सड़क दुर्घटना भयो। रावतसर थाना क्षेत्रमा सरदारशहर रोड स्थित बरमसर नजिकै मेगा हाइवेमा एक निजी बस र ट्रोलाबीच भिड़न्त हुँदा पाँच यात्रुको मृत्यु भयो जबकि अन्य धेरै घाइते भए। यसमध्ये केहीको अवस्था गम्भीर बताइएको छ।

निजी बस श्रीगंगानगरदेखि जयपुर गइऱहेको थियो। सोही अवधि सड़क छेउ सरसो लोड गरिएका दुई ट्रली खड़ा थिए। बस चालकले त्यसलाई ओवरटेक गरिरहेको थियो, तब अगाड़ीबाट आइऱहेको ट्रोलासित ठक्कर भयो। ठक्कर यति भीषण थियो कि बसको अगाड़ीको हिस्सा पूर्ण रूपमा क्षतिग्रस्त भयो।

दुर्घटनापछि घटनास्थलमा खैलाबैला मच्चियो। सूचना पाउनसाथ पुलिस र प्रशासनको टीमले घटनास्थलमा पुगेर राहत र बचाउ कार्य शुरू गऱ्यो। स्थानीय मानिसहरूले पनि घाइतेहरूलाई बसबाट बाहिर निकाल्नमा मद्दत गरे। सबै घाइतेहरूलाई एम्बुलेन्समा रावतसर अस्पताल पुऱ्याइयो।

एसडीएम संजय अग्रवालले बताए, अस्पताल पुग्न अगावै पाँच यात्रुको मृत्यु भइसकेको थियो। गम्भीर रूपमा घाइते 3-4 जनालाई हनुमानग़ढ़ जिल्ला अस्पताल रेफर गरिएको छ, जबकि 7 घाइतेको उपचार रावतसर अस्पतालमा भइरहेको छ। दुर्घटनामा मारिएका पाँच यात्रुमध्ये तीनको पहिचान भइसकेको छ, जसमा अजय बन्सल पुत्र श्यामलाल बन्सल, श्यामलाल, हरिराम पुत्र हनुमान प्रसाद सामेल छन्। यिनीहरू हनुमानगढ़ टाउनका निवासी थिए। पुलिस एक महिला र पुरुषको शवको पहिचान गर्ने प्रयास गरिरहेको छ।

दुर्घटनाको समय अधिकतर यात्रुहरू सुतिरहेका थिए। तब तीव्र धमाकाको आवाजले यात्रीहरूको निद्रा खोल्यो। ट्रकसित ठोक्किनसाथ बसमा सवार यात्रुहरू चिच्याउन थाले। घटनास्थलमा पुगेको पुलिसले स्थानीय मानिसहरूको मद्दतले बसमा फसेका घाइतेहरूलाई बाहिर निकाल्यो। यसपछि उनीहरूलाई एम्बुलेन्समा अस्पताल पठाइयो।

दुर्घटनापछि मेगा हाइवेमा लगभग दुई घण्टासम्म लामो जाम लाग्यो। पुलिसले क्रेनको मद्दतले दुवै क्षतिग्रस्त वाहनहरूलाई सड़क छेउ खड़ा गऱ्यो। यसपछि यातायात सुचारू गराइयो।

हिन्दुस्थान समाचार / भवानी थामी