काठमाडौं, २८ मार्च (हि.स.)। नेपालका पूर्व प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई आज बिहान पक्राउ गरेपछि स्वास्थ्य परीक्षणका लागि जिल्ला पुलिस परिसर काठमाडौंबाट अस्पताल लगियो। दुवैको स्वास्थ्य परीक्षण महाराजगञ्ज शिक्षण अस्पतालमा गरिएको छ।
ओलीलाई भक्तपुरको उनको निवासबाट पक्राउ गरिएको थियो। त्यसपछि ओलीलाई जिल्ला पुलिस परिसर काठमाडौं लगिएको थियो। त्यहाँ काठमाडौं एसएसपी रमेश थापा पहिलेदेखि नै उपस्थित थिए। रमेश लेखकलाई काठमाडौंमा उनको आवासबाट हिरासतमा लिइएको थियो।
आज विदा भएकाले दुवैलाई आइतबार जिल्ला अदालत काठमाडौंमा पेस गरिनेछ। शुक्रबार बालेन्द्र शाहको नेतृत्वमा पहिलो मन्त्रिपरिषद्को बैठकले ओलीविरुद्ध आपराधिक मुद्दा चलाउन आयोगको सिफारिस कार्यान्वयन गर्ने निर्णय गरेको थियो। मन्त्रिपरिषद्को निर्णयपछि गृहमन्त्री सुदन गुरुङको निर्देशनमा ओली र लेखकलाई आज बिहान पक्राउ गरिएको थियो।
---------------
हिन्दुस्थान समाचार / भवानी थामी
