कार्बी आङलोङ, 29 मार्च (हि.स.)। मुख्यमन्त्री डा. हिमन्त विश्व सरमाले आइतवार कांग्रेसका राष्ट्रिय अध्यक्ष मल्लिकार्जुन खड़गेको असम विधानसभा चुनाउको प्रचार गर्न असम भ्रमणलाई लिएर कटाक्ष गरे। उनले पार्टीको नेतृत्व चुनाउ र खड़गेको विगतको अडानमाथि गम्भीर प्रश्न उठाए।

ज्ञात होस्, आज मुख्यमन्त्रीले राज्यको पहाड़ी जिल्ला कार्बी आङ्लोङको बोकाजन विधानसभा, दिफु विधानसभा, हावराघाट विधानसभा र आमरी विधानसभा निर्वाचन क्षेत्रमा कूल चार चुनावी विजय संकल्प सभाहरूमा भाग लिए। सभाहरूमा उपस्थित मानिसहरूको उपस्थितिलाई देखेर मुख्यमन्त्री निकै उत्साहित देखिन्थे। उनले भाजपाको जित निश्चित भएको बताए।

मीडियालाई सम्बोधन गर्दै डा. सरमाले कांग्रेस पार्टीले असममा खड़गेलाई मुख्य अभियान अनुहारको रूपमा प्रस्तुत गरेर रणनीतिक गल्ती गरेको बताए। मुख्यमन्त्रीले ख़ड़गेलाई ल्याएर कांग्रेस पार्टीले आफ्नै खुट्टामा बन्चरो हानेको टिप्पणी गरे।

उनले थप आरोप लगाए कि खड़गेले पहिले असमिया सांस्कृतिक आइकन भूपेन हजारिकालाई भारत रत्न प्रदान गरिनुको विरोध गरेका थिए। डा. सरमाले यो पनि भने कि खड़गेले असममा सेमीकन्डक्टर प्रोजेक्टको प्रस्तावित स्थापनाको विरोध गरेका थिए। राज्य सरकारले यो पहललाई औद्योगिक र प्राविधिक प्रगतितर्फ एक ठूलो कदम बताएको छ।

कांग्रेस पार्टीको अभियान रणनीतिमा चिन्ता व्यक्त गर्दै मुख्यमन्त्रीले सोधे, के यो त्यस्तो व्यक्ति हो जसलाई तपाई असममा स्टार प्रचारक बनाउछन् ?

मल्लिकार्जुन खड़गेले आइतवार लखीमपुरमा 09 अप्रेलमा हुने असम विधानसभा चुनाउको लागि कांग्रेसको घोषणापत्र जारी गर्नेछन्। पार्टीले राज्यमा आफ्नो प्रचारलाई तीव्र पारिरहेको छ। चुनाउ अगाड़ी पार्टीको तयारी र रणनीतिको रूपरेखा प्रस्तुत गर्ने जितेन्द्र सिंहले घोषणा गरेका थिए।

हिन्दुस्थान समाचार / भवानी थामी