तेहरान, २९ मार्च (हि.स.)। ईरान र अमेरिकाबीच बढ्दो तनाउका बीच ईरानी मिडियाले कडा रवैया अपनाउँदै अमेरिकालाई प्रत्यक्ष चेताउनी दिएको छ। तेहरान टाइम्सले आफ्नो फ्रन्ट पेजमा ‘नर्कमा स्वागत छ’ शीर्षकसहित एउटा तिखो सन्देश प्रकाशित गरेको छ, जसमा भनिएको छ कि यदि अमेरिकी सेना ईरानको भूमिमा खुट्टा राख्छ भने, त्यो “कफिनमा मात्र फर्किनेछ।”
यो बयान त्यस्तो समयमा आएको छ जब अमेरिका पश्चिम एसियामा आफ्नो सैन्य उपस्थिति बढाउने बारे विचार गरिरहेको खबरहरू छन्। रिपोर्टहरूका अनुसार, राष्ट्रपति डोनाल्ड ट्रम्प सम्भावित जमीनी कारबाही (ग्राउन्ड अपरेसन) का विकल्पहरूमा विचार गरिरहेका छन्, यद्यपि यसमा अझै कुनै अन्तिम निर्णय लिइएको छैन।
यदि अमेरिकाले ईरानको नजिक रहेको संवेदनशील आणविक सामग्रीसम्म पहुँच बनाउन चाहन्छ भने, त्यसका लागि ठूलो स्तरमा सैन्य तैनाती गर्नुपर्ने हुन सक्छ। भनिएको छ, यो सामग्री जमिनको धेरै भित्र सुरक्षित स्थानहरूमा राखिएको छ, जसले कुनै पनि अपरेसनलाई जटिल र जोखिमपूर्ण बनाउन सक्छ।
ईरानले पहिल्यै स्पष्ट पारिसकेको छ कि यदि उसमाथि जमीनी आक्रमण हुन्छ भने कडा जवाफ दिइनेछ। अखबारमा सैनिकहरूका तस्बिरहरू प्रकाशित गर्दै देश कुनै पनि सम्भावित आक्रमणको सामना गर्न पूर्ण रूपमा तयार रहेको सन्देश दिन खोजिएको छ।
यो घटनाक्रमले क्षेत्रमा पहिलेदेखि जारी तनाउलाई थप बढाएको छ, जसबाट विश्वव्यापी स्तरमा चिन्ता पनि बढ्दै गइरहेको छ।
---------------
हिन्दुस्थान समाचार / भवानी थामी
