नयाँ दिल्ली, ३१ मार्च (हि.स.)। प्रधानमन्त्री नरेन्द्र मोदीले सुरीनामका पूर्व राष्ट्रपति चन्द्रिका प्रसाद सान्तोखीको निधनप्रति शोक व्यक्त गरेका छन्। उनले यसलाई सुरीनाम मात्र नभई विश्वव्यापी भारतीय प्रवासी समुदायका लागि पनि अपूरणीय क्षति बताएका छन्।

प्रधानमन्त्रीले 'एक्स' पोस्टमा भने, सान्तोखी उनका मित्र थिए र उहाँसँग भएका भेटहरूको सम्झना सधैं जीवित रहनेछ। उनले भने, सान्तोखीले सुरीनामको सेवामा अथक योगदान दिनुभयो र भारत-सुरीनाम सम्बन्धलाई सुदृढ़ पार्न महत्त्वपूर्ण भूमिका खेल्नुभयो। प्रधानमन्त्रीले भने, सान्तोखीलाई भारतीय संस्कृतिप्रति विशेष लगाव थियो र उहाँले संस्कृतमा शपथ लिएर धेरै मानिसहरूको मन जित्नुभएको थियो।

प्रधानमन्त्रीले शोकको यस घडीमा सान्तोखीको परिवार र सुरीनामका जनताप्रति गहिरो संवेदना व्यक्त गर्दै उनलाई श्रद्धाञ्जली अर्पण गरे। प्रधानमन्त्री मोदीले यस पोस्टसँगै सान्तोखीसँगका आफ्ना विभिन्न भेटघाटहरूका तस्बिरहरू पनि साझा गरेका छन्।

उल्लेखनीय छ, भारतीय मूलका चन्द्रिका प्रसाद सान्तोखीले २०२० मा राष्ट्रपति पदको कार्यभार सम्हालेका थिए। उनको जन्म ३ फरवरी १९५९ मा भएको थियो र उनी पेसाले पुलिस अधिकारी थिए। पछि राजनीतिमा सक्रिय भए। सान्तोखीले सुरीनाममा कानुन-व्यवस्था सुधार र प्रशासनिक पारदर्शितालाई सुदृढ़ पार्न महत्त्वपूर्ण भूमिका खेले। उनी भारतीय मूलका प्रवासी समुदायमा विशेष रूपमा लोकप्रिय थिए र भारत-सुरीनाम सम्बन्धलाई सुदृढ़ पार्न निरन्तर प्रयासरत रहे। उनको विशेष पहिचान तब बन्यो जब उनले राष्ट्रपति पदको शपथ संस्कृतमा लिएर भारतीय सांस्कृतिक विरासतप्रति आफ्नो लगाव प्रदर्शन गरे।

---------------

हिन्दुस्थान समाचार / भवानी थामी