कार्बी आङ्लोङ (असम), 06 मार्च (हि.स.)। असमको कार्बी आङ्लोङ जिल्लाको पहाडी भूभागमा बिहिवार साँझ सुखोई-३० एमकेआई फाइटर जेट दुर्घटनाग्रस्त हुँदा दुवै पाइलटको मृत्यु भएको छ। उनीहरूको पहिचान स्क्वाड्रन लिडर अनुज र सह-पाइलट लेफ्टिनेन्ट पूर्वेश दुरागकरको रूपमा गरिएको छ। लेफ्टिनेन्ट पूर्वेश भारतीय वायुसेनाका उडान नेभिगेटर थिए। भारतीय वायुसेना (आईएएफ) ले सामाजिक सञ्जाल मार्फत दुर्घटनाको आधिकारिक जानकारी दिएको थियो। दुर्घटनास्थलबाट दुवै वायुसेनाका शवहरू बरामद गरिएको छ।
आईएएफले एक्स पोस्टमा स्क्वाड्रन लिडर अनुज र फ्लाइट लेफ्टिनेन्ट पूर्वेश दुरागकरको मृत्युको घोषणा गरेको छ। सुखोई-३० दुर्घटनामा दुवै गम्भीर घाइते भएको उल्लेख छ। भारतीय वायुसेनाका सबै कर्मचारीहरूले शोकको यस समयमा शोकसन्तप्त परिवारसँग समवेदना व्यक्त गर्दै दृढतापूर्वक उभिएको बताएको छ।
दुर्घटना बिहिवार राति ७ बजीतिर भएको थियो। विमानसँग सम्पर्क टुटेपछि जोरहाट वायुसेना टोली दुर्घटनास्थलमा पुग्यो र जॉंच शरु गर्यो। वायुसेना टोलीलाई घटनास्थलमा पुग्न लगभग चार घण्टा लाग्यो। यद्यपि, दुर्घटनाको कारण अज्ञात छ।
जोरहाटबाट उडान भरेको केही समयपछि नै विमान कार्बी आङ्लोङ जिल्लाको दुर्गम पहाडी क्षेत्रमा दुर्घटनाग्रस्त भएको बताइएको छ। ठूलो आवाजले वरपरका गाउँका मानिसहरूमा डर फैलिएको थियो। जानकारी पाएपछि पुलिस अधिकारीहरूले तुरुन्तै खोजी तथा उद्धार कार्य शुरु गरे।
कार्बी आङ्लोङ जिल्लाको रंगखेलाको चोकीहोलाको निलिप ब्लक नजिकैको दुर्गम पहाडी क्षेत्रमा दुर्घटना भएको थियो। स्थानीयहरूका अनुसार, साँझ ७ बजीतिर ठूलो विस्फोट जस्तो आवाज सुनिएको थियो, जुन वरपरका पहाडहरूमा प्रतिध्वनित भयो र वरपरका बस्तीहरूमा आतङ्क फैलियो।
प्रत्यक्षदर्शीहरूले आवाज धेरै ठूलो भएको र पहाडी भूभागमा प्रतिध्वनित भएको बताएका छन्, जसले गर्दा गाउँलेहरूले उक्त क्षेत्रमा सैन्य विमान दुर्घटना भएको आशंका गरे। विस्फोट लगत्तै केही मानिसहरूले पहाडबाट धुवाँ पनि निस्किरहेको देखे।
स्रोतहरूले बताएअनुसार, विमान सुखोई-३० एमकेआई लडाकु विमान थियो, जुन साँझ जोरहाटबाट उडेको थियो। दुर्घटनास्थल मानव बस्तीबाट टाढा जङ्गल र पहाडी क्षेत्रमा अवस्थित छ, जसले गर्दा तुरुन्तै घटनास्थलमा पुग्न सकिएन।
हिन्दुस्थान समाचार / भवानी थामी
