कोलकाता, 06 मार्च (हि.स.)। पश्चिम बंगाल विधानसभा चुनाउको तयारीबीच भारतीय जनता पार्टीको कोलकातामा प्रस्तावित प्रमुख र्या्लीको मिति परिवर्तन हुनसक्छ। प्रधानमन्त्री नरेन्द्र मोदीको ऱ्याली जुन पहिले 15 मार्चमा निर्धारित थियो, अब एक दिन अगाड़ी 14 मार्चमा आयोजना हुने अपेक्षा गरिएको छ।
भाजपाको राज्य समितिका एक सदस्य अनुसार, प्रधानमन्त्री कार्यालयको तालिकामा सम्भावित परिवर्तनका कारण र्याालीको मिति परिवर्तन हुनसक्छ। नयाँ प्रस्तावित तालिका अनुसार, प्रधानमन्त्री मोदी 13 मार्च राति कोलकाता आइपुग्ने र 14 मार्च दिउँसो र्याोलीलाई सम्बोधन गरेपछि सोही दिन दिल्ली फर्कन सक्छन्।
कोलकाताको ब्रिगेड परेड ग्राउन्डमा आयोजना हुने यो र्यायलीले 02 मार्चबाट शुरु भएको भाजपाको परिवर्तन यात्राको समापन गर्नेछ। केन्द्रिय गृहमन्त्री अमित शाह, रक्षामन्त्री राजनाथ सिंह र केन्द्रिय मन्त्री जेपी नड्डा लगायत धेरै वरिष्ठ नेताहरूले परिवर्तन यात्राको विभिन्न चरणहरूमा भाग लिएका छन्।
यसैबीच पश्चिम बंगालका 294 विधानसभा सीटका लागि पार्टी उम्मेदवारहरू छनौट गर्ने प्रक्रियालाई तीव्र पारिएको छ। राज्य एकाइले सम्भावित उम्मेदवारहरूको नाम केन्द्रिय नेतृत्वलाई पठाउने तयारी गरिरहेको छ।
पार्टी सूत्रहरू अनुसार, प्रत्येक विधानसभा निर्वाचन क्षेत्रको लागि दुई छुट्टाछुट्टै सूची तयार पारिएको छ। पहिलो सूचीमा तीन जना मनपर्ने उम्मेदवारहरूको नाम समावेश हुनेछ भने दोस्रो सूचीमा उम्मेदवारको रूपमा प्राथमिकता नदिइएका तीन जनाको नाम सामेल हुनेछ।
हिन्दुस्थान समाचार / भवानी थामी
