नयाँ दिल्ली, 07 मार्च (हि.स.)। अन्तरराष्ट्रिय महिला दिवसको अवसरमा केन्द्र सरकारले ८ मार्चमा कर्तव्य पथमा ‘शी लिड्स भारत’ नामक शक्ति वाक आयोजना गर्ने भएको छ।
केन्द्रिय महिला तथा बाल विकास मन्त्रालयका अनुसार, यो वाक बिहान ७:३० बजीदेखि १०:०० बजीसम्म आयोजना हुनेछ। करिब २ किलोमिटर लामो पदयात्रा इन्डिया गेटदेखि विजय चौकसम्म कर्तव्य पथ हुँदै सञ्चालन गरिनेछ। यसमा १५० भन्दा बढी मन्त्रालय, विभाग र संस्थाहरूबाट करिब ३,००० महिलाहरू सहभागी हुनेछन्।
कार्यक्रममा सशस्त्र बल, पुलिस, सञ्चारमाध्यम, स्वास्थ्य, खेलकुद, उद्योग, सरकारी संस्था तथा जमीनी संगठनहरूसँग सम्बन्धित महिलाहरू सहभागी हुनेछन्। सहभागीहरूले ‘शी लिड्स भारत’ विषयवस्तु अन्तर्गत एकजुट भएर समाजमा महिलाको भूमिकालाई उजागर गर्नेछन्।
यस वाकको नेतृत्व महिला जनप्रतिनिधिहरूले गर्नेछन्, जसमा केन्द्रिय मन्त्री, राज्यमन्त्री, सांसद, विधायक तथा विभिन्न क्षेत्रका प्रमुख महिला व्यक्तित्वहरू सहभागी हुनेछन्। कार्यक्रमको शुरुवात विशिष्ट अतिथिहरूको संक्षिप्त सम्बोधनबाट हुनेछ र त्यसपछि वाकलाई हरियो झण्डा देखाइनेछ।
कर्तव्य पथमा महिलासँग सम्बन्धित प्रमुख सरकारी योजनाहरू तथा विभिन्न क्षेत्रमा महिलाले हासिल गरेका उपलब्धिहरूलाई देखाउने प्रदर्शनी पनि आयोजना गरिनेछ। इन्डिया गेटमा सांस्कृतिक कार्यक्रम हुनेछ, जसमा वन्दे मातरमको सामूहिक प्रस्तुति साथै डोल्लू कुनिथा, कलारिपयट्टु, श्रृंगारिमेलम, रणचण्डी र घूमरजस्ता परम्परागत नृत्य प्रस्तुत गरिनेछन्।
---------------
हिन्दुस्थान समाचार / भवानी थामी
