नयाँ दिल्ली, 08 मार्च (हि.स.)। राष्ट्रपति द्रौपदी मुर्मुको अपमानलाई लिएर प्रधानमन्त्री नरेन्द्र मोदीले पश्चिम बंगालको तृणमूल कांग्रेस (टीएमसी) सरकारमाथि चर्को आक्रमण गर्दै भने कि शक्तिको अहंकार चाँड़ै चकनाचुर हुनेछ। जनताले यसलाई कहिल्यै क्षमा गर्ने छैनन्।

आइतवार बुराड़ीमा आयोजित एक कार्यक्रमलाई सम्बोधन गर्दै प्रधानमन्त्रीले भने, अन्तरराष्ट्रिय महिला दिवसमा सम्पूर्ण देशले महिलाहरूको उपलब्धीलाई सम्मान गरिरहेको बेला, उनी दिल्ली र देशका जनतासँग एउटा पीड़ा पनि बाँड्न चाहन्छन्। मोदीले भने, शनिवार राष्ट्रपति मुर्मु सन्थाल आदिवासी परम्पराको एक महत्त्वपूर्ण उत्सवमा भाग लिन बंगाल गएकी थिइन् तर कार्यक्रमलाई सम्मान गर्नुको सट्टा टीएमसी सरकारले यसलाई बहिष्कार गर्योर र कार्यक्रमको व्यवस्थालाई पूर्ण रूपमा बेवास्ता गर्यो ।

प्रधानमन्त्रीले भने, राष्ट्रपति आफै सन्थाल आदिवासी समुदायबाट आउँछिन् र सधैं आदिवासी समुदायको विकास र कल्याणको बारेमा चिन्तित रहन्छिन्। यस्तो अवस्थामा उनको कार्यक्रम बहिष्कार गर्नु राष्ट्रपतिको अपमान मात्र होइन आदिवासी समुदायको भावनाको पनि अपमान हो। यो राष्ट्रपतिको मात्र नभई संविधान र यसको भावनाको पनि अपमान हो। मोदीले भने कि यो लोकतन्त्रको महान परम्परा विरुद्ध हो र संघर्ष र कड़ा परिश्रमको बुतामा समाजमा उच्च स्थान प्राप्त गरेका सबै महिलाहरूको अपमान हो।

उनले भने, भारतको परम्परा र संस्कृतिले प्रत्येक व्यक्ति र प्रत्येक वर्गको सम्मान सिकाउँछ। कुनै पनि पदमा रहेका जो कोहीको पनि अपमान गर्नु देशको लोकतान्त्रिक मान्यता विरुद्ध हो। हाम्रो देशमा भनिन्छ कि व्यक्ति जतिसुकै शक्तिशाली भएपनि अन्तमा उसको विनाश निश्चित छ। प्रधानमन्त्रीले भने कि शक्तिको अहंकारमा डुबेको टीएमसीको राजनीति लामो समयसम्म टिक्दैन।

मोदीले भने, उनी राष्ट्रको राजधानीबाट यो स्पष्ट पार्न चाहन्छन् कि आदिवासी महिला राष्ट्रपतिको अपमान गर्ने टीएमसीको राजनीति र शक्तिको अहंकार चाँड़ै चकनाचुर हुनेछ। पश्चिम बंगालका सचेत र प्रबुद्ध जनताले यो घटना कहिल्यै बिर्सने छैनन्। प्रधानमन्त्रीले आदिवासी महिला र देशका राष्ट्रपतिको अपमान गरेकोमा राज्यका जनताले टीएमसीलाई कहिल्यै माफ गर्ने छैनन् भने। उनले भने, बंगाल मात्र होइन तर आदिवासी समुदाय सहित सम्पूर्ण देश यस घटनाले दुःखी छ।

उनले भने, देशको नारी शक्तिले पनि यस्तो व्यवहार सहन गर्नेछैन। महिलाहरूको सम्मान भारतीय संस्कृति र सभ्यताको मूल आधार हो र यो सिद्धान्त उल्लङ्घन गर्नेहरूले सार्वजनिक छानबिनको सामना गर्नेछन्। प्रधानमन्त्रीले भने, देश आज महिलाहरूको उपलब्धिहरूमा गर्व गर्दछ र सरकार उनीहरूको सशक्तिकरणको लागि निरन्तर प्रयासरत छ। उनले जोड दिए कि महिलाहरूको सम्मान र उनीहरूको सहभागिता भारतको विकासको महत्त्वपूर्ण आधार हो।

हिन्दुस्थान समाचार / भवानी थामी