कोलकाता, 01 अप्रेल (हि.स.)। पश्चिम बंगालकी मुख्यमन्त्री ममता ब्यानर्जीको हेलिकप्टर फेरि एक पटक प्रतिकूल मौसमबाट प्रभावित भएको छ। मुर्शिदाबाद जिल्लाको बरहमपुर उपक्षेत्रस्थित बड़ग्यामा आयोजित एक जनसभापछि मुख्यमन्त्री हेलिकप्टर मार्फत नवग्राम गइरहेकी थिइन्, तर हावा-हुन्डरी तथा वर्षा भएको कारणले हेलिकप्टरलाई त्यहीँ अवतरण गर्नु पऱ्यो।
प्राप्त प्रारम्भिक जानकारी अनुसार मुख्यमन्त्री अपरान्ह 02:10 बजे बड़ग्यादेखि हेलिकप्टर मार्फत नवग्राम तर्फ प्रस्थान भएकी थिइन्। बड़ग्यामा त्यसबेला मौसम सामान्य थियो, तर नवग्रामको सभास्थल निकट पुगेपछि मौसम अचानक खराब भयो। तीव्र हावा तथा पानी पर्न थालेपछि पायलटले जोखिम उठाएनन्। हेलिकप्टरलाई पुनः बड़ग्यामा पुऱ्याएर सुरक्षित अवतरण गराए। त्यसपछि मुख्यमन्त्रीले सड़क मार्ग भएर नवग्राम जाने निर्णय लिइन् अनि त्यहीँबाट वाहन मार्फत सभास्थल तर्फ प्रस्थान भइन्।
यसअघि गत बिहीवार पनि मुख्यमन्त्रीको विमान खराब मौसमको चपेटमा परेको थियो। त्यस दिन उनी बीरभूम जिल्लाको दुबराजपुरमा सभा गरेपछि अण्डाल हवाईअड्डाबाट कोलकाता फर्किरहेकी थिइन्। विमान अपरान्ह 03:39 बजे उड़ेको थियो भने लगभग चार बजे कोलकाता पुग्ने कार्यक्रम थियो। तर कोलकाता क्षेत्रमा अचानक तूफानी वर्षा भएको कारणले विमान निर्धारित समयमा उवतरण हुन सकेन।
हिन्दुस्थान समाचार / उष्णता छेत्री शर्मा