कोकराझार (असम), 1 अप्रेल (हि.स.)। असम विधानसभा चुनाउ- 2026 को निम्ति भारत निर्वाचन आयोगले मतदानको दिन मतदाताहरूको पहिचान सुनिश्चित गर्नको लागि विस्तृत दिशानिर्देश जारी गरेको छ। आयोगले स्पष्ट पारेको छ, निर्वाचक फोटो पहिचान पत्र (ईपीआईसी) जारी गरिएका मतदाताहरूले मतदान केन्द्रमा मत दिनअघि यसलाई प्रस्तुत गर्न अनिवार्य छ।

ईपीआईसी उपलब्ध नभएका मतदाताहरूले आफ्नो पहिचान स्थापित गर्नको लागि आयोगद्वारा स्वीकृत 12 वटा वैकल्पिक फोटो पहिचान दस्तावेजहरूमध्ये कुनै एउटालाई उपयोग गर्न सक्नेछन्। यसमा आधार कार्ड, मनरेगा जब कार्ड, ब्यांक वा डाकघरको फोटोयुक्त पासबुक, आयुष्मान भारत, स्वास्थ्य बीमा स्मार्ट कार्ड, ड्राइभिंग लाइसेन्स, प्यान कार्ड, राष्ट्रिय जनसंख्या रजिस्टर (एनपीआर) स्मार्ट कार्ड, भारतीय पासपोर्ट, फोटोयुक्त पेन्शन दस्तावेज, सरकारी, सार्वजनिक उपक्रम, पब्लिक लिमिटेड कम्पनीद्वारा जारी सेवा पहिचान पत्र, सांसद, विधायक, विधान परिषद सदस्यहरूलाई जारी आधिकारिक पहिचान पत्र तथा यूनिक डिसेबिलिटी आईडी (यूडीआईडी) कार्ड सामेल छन्।

निर्वाचन आयोगले यो पनि स्पष्ट पारेको छ, ईपीआईसीमा कुनै प्रकारको टंकन त्रुटि वा हिज्जे गल्तीलाई बेवास्ता गरिनेछ, तर सशर्त मतदाताको पहिचान स्थापित हुन सकोस्। तर यदि फोटोा असमानताको कारणले पहिचान सुनिश्चित भएन भने सम्बन्धित मतदाताले उपरोक्त वैकल्पिक दस्तावेजहरूमध्ये कुनै एउटालाई प्रस्तुत गर्नुपर्छ।

यस अतिरिक्त जन प्रतिनिधित्व अधिनियम, 1950 को धारा 20ए अन्तर्गत पञ्जीकृत प्रवासी (ओभरसीज) मतदाताहरूको पहिचान केवल उनीहरूको मूल पासपोर्टको आधारमा मात्र गरिनेछ। यस्ता मतदातहरूको लागि अन्य कुनै पनि दस्तावेज मान्य हुनेछैन।

हिन्दुस्थान समाचार / उष्णता छेत्री शर्मा