तुमकुरु, 01 अप्रेल (हि.स.)। राष्ट्रपति द्रौपदी मुर्मुले सिद्धगंगा मठले देशको समग्र विकासमा महत्वपूर्ण योगदान पुर्यालएको र गरीब तथा अनाथ बालबालिकालाई शिक्षा र आश्रय प्रदान गरेर मानवीय मूल्यलाई सुदृढ़ बनाएको बताएकी छन्।

राष्ट्रपति द्रौपदी मुर्मुले बुधवार कर्नाटकको तुमकुरु स्थित सिद्धगंगा मठको प्रदर्शनी मैदानमा आयोजित श्री श्री शिवकुमार स्वामीजीको 119औं जयन्ती समारोहलाई सम्बोधन गरिरहेकी थिइन्। उनले भनिन्, मठको सेवाको परम्परा सम्पूर्ण देशका लागि उदाहरण हो। सिद्धगंगा मठको भ्रमण गर्न पाउँदा उनी अत्यन्तै खुशी छिन्। दासोह र शिक्षा मार्फत मठले गरीब बालबालिकाको जीवनमा प्रकाश ल्याएको छ। मठले करुणा धर्मको जरा हो भन्ने सिद्धान्तलाई साँच्चै अँगालेको छ।

उनले भनिन्, सिद्धगंगा मठ वीरशैव-लिंगायत मठहरूमा विशेष स्थान राख्छ र यसको निरन्तर सेवा कार्यका कारण अग्रणी रहन्छ।

यस अवसरमा सिद्धलिंग स्वामीजीले शिवकुमार स्वामीजीको जीवन त्याग र सेवाको प्रतीक भएको बताए। उनको प्राथमिक लक्ष्य गरीब र बालिकाहरूलाई शिक्षित गर्नु थियो। उनका उपलब्धीहरू चमत्कारभन्दा कम छैनन्।

यस अवसरमा कर्नाटकका राज्यपाल थावर चन्द गहलोतले मानवताको कल्याणमा आफ्नो जीवन समर्पित गर्ने शिवकुमार स्वामीजी आफ्नो सेवामा अतुलनीय रहेको बताए। उनले सबका साथ, सबका विकास (सबैको साथ, सबैको विकास) को सिद्धान्तलाई मूर्त रूप दिए।

केन्द्रिय मन्त्री प्रह्लाद जोशीले भने, शिवकुमार स्वामीजी अनाथहरूका लागि पिता र मानवताको प्रतीक थिए। उनी मानवबाट महादेवमा परिणत भए।

समारोहको क्रममा मठले राष्ट्रपतिलाई बसवन्नाको मूर्ति प्रदान गरेर सम्मानित गऱ्यो। यस अवसरमा केन्द्र र राज्य सरकारका धेरै मन्त्रीहरू र प्रतिष्ठित व्यक्तिहरू उपस्थित थिए।

हिन्दुस्थान समाचार / भवानी थामी