नयाँ दिल्ली, 10 अप्रेल (हि.स.)। इलाहाबाद उच्च न्यायालयका जज जस्टिस वर्माले आफ्नो पदबाट राजीनामा दिएका छन्। उनले राष्ट्रपति द्रौपदी मुर्मुलाई आफ्नो राजीनामा पठाएका छन्।
जस्टिस यशवंत वर्मा विरुद्ध महाभियोगको कारबाही शुरू भइसकेको छ। लोकसभा स्पीकरले यस मामिलामा जजेज इन्क्वायरी एक्ट अन्तर्गत जाँच समिति गठन गरेका छन्। लोकसभा स्पीकरको तर्फबाट इन्क्वायरीको आदेशलाई जस्टिस वर्माले सर्वोच्च न्यायालयमा चुनौती दिएका थिए। सर्वोच्च न्यायालयले जस्टिस वर्माको निवेदन खारेज गरेको थियो।
22 मार्च 2025 मा सर्वोच्च न्यायालयले यस विषयमा अनुसन्धान गर्न तीन सदस्यीय जाँच समिति गठन गर्न आदेश दिएको थियो। जाँच समितिमा पञ्जाब र हरियाणा उच्च न्यायालयका चीफ जस्टिस शील नागू, हिमाचल प्रदेश उच्च न्यायालयका चीफ जस्टिस जीएस सन्धवालिया र कर्नाटक उच्च न्यायालयका न्यायाधीश अनु शिवरामन सामेल थिए। 14 मार्च 2025 मा न्यायाधीश यशवंत वर्मा दिल्ली उच्च अदालतको न्यायाधीश हुँदा उनको घरमा आगलागी भएपछि अग्निशमन विभागले नगदी जफत गरेको थियो।
हिन्दुस्थान समाचार / भवानी थामी
