कोलकाता, 11 अप्रेल (हि.स.)। प्रवर्तन निर्देशनालय (ईडी) ले पश्चिम बंगालका पूर्व शिक्षामन्त्री पार्थ चट्टोपाध्यायको कोलकाता निवासमा फेरि एक पटक छापा मारेको छ। ईडी टोलीले शनिवार बिहान केन्द्रिय बलहरूसँगै उनको नाकतला स्थित निवासमा पुगेर अनुसन्धान शुरु गऱ्यो।
आधिकारिक सूत्रहरू अनुसार, शिक्षक भर्तीसँग सम्बन्धित कथित भ्रष्टाचार मुद्दाको अनुसन्धानको सम्बन्धमा यो कारबाही गरिएको हो। ईडी अधिकारीहरूले पहिले पनि पार्थ चट्टोपाध्यायलाई सोधपुछको लागि बोलाएका थिए तर उनी बारम्बार उपस्थित हुनबाट बच्न थालेपछि एजेन्सीले सिधै उनको निवासमा छापा माऱ्यो।
सोही क्रममा ईडीको अर्को टोलीले न्यू टाउन स्थित मिडलम्यान प्रसन्ना रोयको कार्यालयमा छापा माऱ्य़ो। भर्ती घोटालाको प्रारम्भिक अनुसन्धानदेखि नै रोयको नाम बारम्बार आइरहेको छ। गत वर्ष अगस्तमा ईडीले पुरुलियामा उनका एक आफन्तको घरमा पनि खोजी अभियान गरेको थियो।
उल्लेख्य, पार्थ चट्टोपाध्याय 11 नोभेम्बरमा जेलबाट रिहा भएर आफ्नो घर फर्केका थिए। यद्यपि, त्यसबेलादेखि उनी सक्रिय राजनीतिमा कम देखिन थालेका छन्। भर्ती घोटालाको सम्बन्धमा उनलाई लगभग तीन वर्ष जेलमा बस्नु परेको थियो र जुलाई 2021 मा उनलाई पक्राउ गरिएको थियो।
ईडीको यो ताजा कारबाहीले शिक्षक भर्ती घोटालाको अनुसन्धानलाई तीव्र बनाएको देखिन्छ र आगामी दिनहरूमा नयाँ खुलासा हुने अपेक्षा गरिएको छ।
हिन्दुस्थान समाचार / भवानी थामी
