काठमाडौं, 12 अप्रेल (हि.स.)। नेपालका प्रधानमन्त्री बालेन्द्र शाहलाई भारत भ्रमणका लागि निमन्त्रणा गरिएको छ। विदेशमन्त्री शिशिर खानलका अनुसार भारतीय प्रधानमन्त्री नरेन्द्र मोदीको निमन्त्रणा शाहले स्वीकार गरेका छन्। हिन्द महासागर सम्मेलनमा भाग लिन हाल मरिशसमा रहेका विदेश मन्त्री खनल र भारतका विदेश मन्त्री डा एस जयशंकरबीचको बैठकमा शाहको आगामी भारत भ्रमणबारे पनि छलफल भएको थियो।

मरिशसबाट नेपालका विदेशमन्त्री खनलले भारतीय प्रधानमन्त्री मोदीले शाहलाई बधाई सन्देशमा भारत भ्रमणको निम्तो दिएको बताए। नेपाल सरकारले निमन्त्रणा स्वीकार गरेको छ, तर भ्रमणको मिति अझै तय हुन सकेको छैन।

अहिले दुवै देशका विदेश मन्त्रालयले बालेन्द्र शाहको भ्रमणका लागि तयारी गरिरहेका छन्। भ्रमणको एजेन्डामा भारत र नेपाल सरकारबीच वार्ता जारी रहेको नेपालका विदेश सचिव अमृत राईले बताए। भ्रमणको क्रममा हुने सम्झौतामा सहमतिमा पुग्नका लागि भारतको विदेश मन्त्रालय र काठमाडौँस्थित भारतीय दूतावासका अधिकारीहरूसँग निरन्तर बैठक भइरहेको छ।

---------------

हिन्दुस्थान समाचार / भवानी थामी