नयाँ दिल्ली, 12 अप्रेल (हि.स.)। लोकसभामा विपक्षका नेता राहुल गान्धीले आइतबार दिल्लीमा 'रन फर अम्बेडकर, रन फर संविधान' म्याराथनलाई हरियो झण्डा देखाए। यस कार्यक्रमको उद्देश्य युवाहरूमा संविधान र डा. भीमराव अम्बेडकरका विचारहरूबारे चेतना फैलाउनु हो।

सोसल मिडिया प्लेटफर्म एक्समा जानकारी साझा गर्दै काङ्ग्रेस पार्टीले पार्टीको अनुसूचित जाति विभागले अन्य पछौटे वर्ग विभागको सहकार्यमा म्याराथन आयोजना गरेको जानकारी दिएको छ। कार्यक्रममा ठूलो सङ्ख्यामा कार्यकर्ता र युवाहरूले भाग लिएका थिए।

यस अवसरमा कार्यकर्ताहरूलाई सम्बोधन गर्दै राहुल गान्धीले संविधान डा. भीमराव अम्बेडकरको सन्देश हो र संविधान नभएको भए आजको भारत यस रूपमा देखिन नसक्ने बताए। भारतीय जनता पार्टी संविधानलाई कमजोर बनाउन चाहन्छ भने काङ्ग्रेसले यसलाई बलियो र सुरक्षित राख्ने लक्ष्य राखेको उनले आरोप लगाए।

उनले भने, काङ्ग्रेस संविधानको सन्देश देशको हरेक कुनामा पुगोस् र प्रत्येक नागरिकले यसको महत्त्व बुझ्न सकुन् भन्ने चाहन्छ। यसका लागि युवाहरूको सहभागितालाई प्रवर्द्धन गर्न निरन्तर जागरूकता अभियान चलाइएको छ।

-------

हिन्दुस्थान समाचार / भवानी थामी