नयाँ दिल्ली, 19 अप्रेल (हि.स.)।राष्ट्रिय स्वयंसेवक संघको शताब्दी वर्षको उपलक्ष्यमा 'संघ गंगा के तीन भागीरथ' शीर्षकको हिन्दी नाटक 21 अप्रेलमा दिल्लीको अर्वाचीन इन्टरनेसनल स्कूल, दिलशाद गार्डेनमा साँझ 6 बजीदेखि मञ्चन गरिनेछ। यो जानकारी नाटकका निर्देशक सञ्जय पेन्डसेले दिएका हुन्।

संघको शतवार्षिकी मनाउन देशभरि नाटक मञ्चन भइरहेको पेन्डसेले हिन्दुस्तान समाचारलाई बताए। संघ गंगा के तीन भागीरथ नाटक सङ्घका प्रथम तीन सरसंघचालकहरू, डा केशव बलिराम हेडगेवार, माधव सदाशिव गोलवलकर (गुरुजी) र बालासाहेब देवरासको जीवन र योगदानमा आधारित छ। नाटकमार्फत संघको सय वर्षको यात्रालाई जीवन्त पार्ने प्रयास गरिएको उनले जानकारी दिए।

पेन्डसेले भने, यो नाटक पहिलो पटक दिल्लीमा 15 र 18 अप्रेलमा विभिन्न स्थानहरूमा मञ्चित गरिएको थियो। उनले श्यामाप्रसाद मुखर्जी कलेजमा आज साँझ 6 बजी नाटक मञ्चन हुने जानकारी दिए। उनले दिल्लीमा 21 अप्रेल बाहेक 22, 24,25, 26 र 28 अप्रेलमा विभिन्न स्थानमा नाटक मञ्चन गर्ने योजना रहेको बताए।

दिल्लीमा यो कहिले र कहाँ मञ्चित हुनेछ:

- 21 अप्रेलः साँझ 6 बजी, अर्वाचीन इन्टरनेशनल स्कूल, दिलशाद गार्डेन।

- 22 अप्रेलः साँझ 4 बजी, एलटीडी अडिटोरियम, मन्डी हाउस।

- 24 अप्रेलः साँझ 6 बजी, द्वारका सेक्टर तीन।

- 25 अप्रेलः साँझ 6 बजी, एआईसीटीई, नेल्सन मन्डेला मार्ग, वसन्तकुन्ज।

- 26 अप्रेलः बिहान 9 बजी, सत्यवती कालेज, अशोक विहार।

- 26 अप्रेलः साँझ 5:30 बजी, कमला नेहरू कालेज।

- 28 अप्रेलः साँझ 6 बजी, शहीद सुखदेव कालेज, सेक्टर-11, रोहिणी।

हिन्दुस्थान समाचार / बिशाल