पूर्व मिदनापुर, 20 अप्रेल (हि.स.)। पश्चिम बंगालको समुद्री पर्यटन स्थलमा अवस्थित दिघा जगन्नाथ मन्दिरमा पहिलो वर्षगाँठ अगावै रेकर्ड संख्यामा श्रद्धालुहरूको भीड़ उर्लिएको छ। मन्दिरको उद्घाटन भएदेखि अहिलेसम्ममा 01 कराेड़ 33 लाखभन्दा अधिक भक्तहरू यहाँ दर्शन गर्न आइसकेका छन्। वर्षगाँठपूर्व यति धेरै संख्यामा श्रद्धालुहरू आएकोमा मन्दिर प्रबन्धनले प्रसन्नता व्यक्त गरेको छ।
उल्लेखनीय छ, यस मन्दिरको उद्घाटन पछिल्लो 30 अप्रेल, 2025-मा पश्चिम बंगालकी मुख्यमन्त्री ममता ब्यनर्जीले गरेकी थिइन्। उद्घाटन भएदेखि नै देश-विदेशका श्रद्धालुहरूको यहाँ निरन्तर आगमन भइरहेको छ। भारतका विभिन्न भागहरूसँगसँगै विदेशहरूबाट समेत ठूलो संख्यामा मानिसहरू यहाँ आइरहेका छन् जसबाट दिघाको पर्यटन तथा स्थानीय अर्थव्यव्यस्थामा उल्लेखनीय परिवर्तन देखिंदैछ।
वर्तमानमा इस्कन कोलकाताले यस मन्दिरको संचालनको जिम्मेवारी निर्वाह गरिरहेको छ। संस्थाका अधिकारी राधारमण दासले बताए, श्रद्धालुहरूको व्यापक मानिसहरूको गहिरो आस्थाको प्रमाण हो। उनले भने, दिघाको जगन्नाथ मन्दिर अब एक आध्यात्मिकक मिलन स्थलको रूपमा उदाएको छ। यसबाट लाखौं लघु व्यापारीहरूलाई आजीविकाको नयाँ अवसर पनि प्राप्त भएको छ।
राधारमण दासले भने, एक वर्षभित्रमै यो मन्दिरले अन्तर्राष्ट्रिय स्तरमा पनि राम्रो पहिचान स्थापित गरिसकेको छ। उनले आशा व्यक्त गरे, वर्षगाँठ समारोहको अवसरमा श्रद्धालुहरूको संख्या अझ बढ़नेछ.
मन्दिरको वर्षगाँठको अवसरमा विशेष पूजा र यज्ञको आयोजन गरिएको छ। सूत्रानुसार यस दिन मन्दिरमा गौर-निताईको नयाँ प्रतिमा स्अथापना गरिनेछ। यद्यपि चुनावी व्यस्तताको कारणले मुख्यमन्त्री यस कार्यक्रममा उपस्थित हुन सक्ने छैनन्।
हिन्दुस्थान समाचार / उष्णता छेत्री शर्मा
