खरसाङ, 21 अप्रेल (हि.स.)। भारतीय गोर्खा प्रजातान्त्रिक मोर्चा (बीजीपीएम) का नेता अनित थापाले मंगलवार भने, जसरी बङ्गालमा भाजपाको प्रवेश पहाडबाट शुरु भएको थियो, अब त्यसको पतन पनि पहाडबाटै शुरु हुनेछ। उनी आज खरसाङमा आयोजित एक चुनावी सभालाई सम्बोधन गर्दै थिए।

थापाले गृहमन्त्री अमित शाहको हालैको चुनावी घोषणाको कडा आलोचना गर्दै भने, शाहले सुकनाको भाषणमा चिया श्रमिकलाई दैनिक ५०० रुपियाँ ज्याला दिने वाचा गरे, जबकि यसअघि उनले नै ८०० रुपियाँ दिने भनेका थिए। के अमित शाह कमानका मालिक हुन्? उनले एकल निर्णय लिन सक्छन्?

उनले भने, बङ्गालमा सरकार बनायो भने ६ महिनाभित्र गोर्खाको समस्या समाधान गरिदिन्छु भन्ने गृहमन्त्रीले संसद् चुनाउमा गोर्खालाई के दिन खोजेका थिए? थापाका अनुसार, भाजपाले बङ्गालमा सरकार बने मात्र एसआईआर सूचीबाट नाम हटेका गोर्खाहरूलाई मतदाता सूचीमा समावेश गर्ने घोषणा गरेर आफैँ स्वीकार गरेको छ कि ती नाम भाजपाले नै काटेका हुन्।

बीजीपीएम पार्टीले गत दुई चुनाउमा जनताको भरपुर समर्थन पाएको उल्लेख गर्दै थापाले यस पटक तेस्रो चुनाउमा पनि जनताले अझ बढी माया र समर्थन दिने विश्वास व्यक्त गरे। उनले भने, 'पहाडमा मैला हटेपछि कमल फुल्ने कुरै आउँदैन।'

हिन्दुस्थान समाचार / हनोक