कोलकाता, 22 अप्रेल (हि.स.)। भाजपाका वरिष्ठ प्रचारक तथा केन्द्रिय गृहमन्त्री अमित शाह 27 अप्रेलसम्म कोलकातामा रहनेछन्, जुन अन्तिम चरणको मतदानको प्रचारको अन्तिम दिन हो। राज्य भाजपाका एक नेताले बुधवार यो जानकारी दिए। पश्चिम बंगाल विधानसभा चुनाउमा दोस्रो चरणको मतदान 29 अप्रेलमा हुने तय भएको छ भने प्रचार सोमवार समाप्त हुनेछ। शाह 23 अप्रेलमा हुने पहिलो चरणको मतदानको समय पनि राज्यमा उपस्थित हुनेछन्।

मंगलवार अबेर राति अमित शाहले न्यू टाउन स्थित भाजपा कार्यालयमा दोस्रो चरणको मतदानको सम्बन्धमा रणनीतिक बैठक गरे। उनले दोस्रो चरणको मतदान हुने क्षेत्रका जिल्ला अध्यक्षहरू, जिल्ला प्रभारीहरू र प्रवासी जिल्ला प्रभारीहरूसँग छलफल गरे। बैठकमा चार संगठनात्मक क्षेत्रका प्रभारी नेताहरू थिए, जसमा कूल 13 संगठनात्मक जिल्लाहरू सामेल छन्। शाहसँगै केन्द्रिय पार्टी नेताहरू भूपेन्द्र यादव, विप्लव देव, सुनील बंसल र अमित मालवीय पनि थिए।

सूत्रहरू अनुसार, बैठक मंगलवार राति लगभग 9.45 बजी शुरू भएर बिहान 2.05 बजी सकियो। अमित शाहले यी 13 जिल्लाभित्र पर्ने प्रत्येक विधानसभा सिटको व्यक्तिगत रूपमा समीक्षा गरेको बताइएको छ। बैठकमा प्रत्येक विधानसभा क्षेत्रको अवस्था, अल्पसंख्यक मतदाताहरूको प्रभाव, विशेष गहन पुनरीक्षणपछि परिस्थिति कसरी परिवर्तन भएको छ, विजयको सम्भावना कहाँ बलियो छ र कहाँ परिस्थिति चुनौतीपूर्ण छ भन्ने बारेमा विस्तृत रूपमा छलफल गरियो।

सूत्रहरूको भनाई छ, अमित शाहसँग यी क्षेत्रहरूमा आफ्नै रिपोर्ट पनि छ उनले तल्लो तहमा जिम्मेवारी सम्हाल्ने नेताहरूबाट प्रत्यक्ष जानकारीको आधारमा परिस्थितिको मूल्याङ्कन गरे। बैठकमा उपस्थित एक नेताले नाम उजागर नगर्ने सर्तमा भने, अमित शाहले दोस्रो चरणको चुनाउअघि प्रत्येक निर्वाचन क्षेत्रमा बुथ स्तरमा संगठनको सुदृढ़ीकरण सुनिश्चित गर्न र पूर्ण चुनावी अभियानको लागि आह्वान गरे। शाहले भने, केन्द्रिय नेतृत्व पूर्ण शक्तिका साथ बंगाल संगठनात्मक एकाईको साथमा उभिएको छ।

हिन्दुस्थान समाचार / भवानी थामी