नयाँ दिल्ली, 22 अप्रेल (हि.स.)। दक्षिण पूर्व दिल्लीको एक पोश क्षेत्र अमर कोलोनीमा एउटा स्तब्ध पार्ने घटना घटेको छ। एक वरिष्ठ आईआरएस अधिकारीकी 21 वर्षीया छोरीको आफ्नै घरभित्र हत्या गरिएको छ।
रिपोर्ट अनुसार, मृतका 1997 ब्याचका आईआरएस अधिकारीकी छोरी थिइन्। उनले हालै इन्जिनियरिङको अध्ययन पूरा गरेकी थिइन् र हाल संघ लोक सेवा आयोगको तयारी गरिरहेकी थिइन्। परिवार अनुसार उनी घरमै पढ्दै थिइन्। घरभित्र भएको यो घटनाले सबैलाई स्तब्ध बनाएको छ।
पुलिसको प्रारम्भिक अनुसन्धानले अपराध क्रूर तरिकाले गरिएको खुलासा गरेको छ। महिलालाई पहिले बलात्कार गरिएको र त्यसपछि मोबाइल चार्जरले गला दबाएर हत्या गरिएको आशंका गरिएको छ। यद्यपि, पुलिसले पोस्टमार्टम रिपोर्ट आएपछि मात्र बलात्कार पुष्टि हुनसक्ने स्पष्ट पारेको छ।
घटनामा शंका घरको एक पूर्व नोकरमाथि परेको छ। राजस्थानको निवासी यो नोकरले लगभग दुई महिना अघिसम्म घरमा काम गर्थ्यो तर उसको व्यवहारका कारण उसलाई निकालिएको बताइएको छ। बुधवार बिहान अचानक घर वरिपरि उक्त नोकरलाई देखियो, त्यसपछि उ फरार बताइएको छ।
घटनाको जानकारी पाएपछि दक्षिण-पूर्वी जिल्लाका वरिष्ठ पुलिस अधिकारीहरू र फोरेन्सिक टोली घटनास्थलमा पुगेका छन्। पुलिसले शवलाई आफ्नो कब्जामा लिएर पोस्टमार्टमको लागि पठाएको छ। साथै आरोपीको खोजी गर्न धेरै टोलीहरू गठन गरिएको छ र उसको सम्भावित लुक्ने ठाउँहरूमा छापा मारिएको छ।
पुलिस अधिकारीहरूले अभियुक्तलाई चाँड़ै पक्राउ गरिने र सम्पूर्ण मुद्दाको समाधान गरिने बताएका छन्। यसैबीच यो घटनापछि क्षेत्रका मानिसहरूमा त्रासको वातावरण छ।
हिन्दुस्थान समाचार / भवानी थामी
