सोरेङ, 25 अप्रेल (हि.स.)। सिक्किम सरकारको शिक्षा विभागको आयोजनामा तीन दिवसीय मुख्यमन्त्री मार्गदर्शन कार्यक्रमको उद्घाटन सत्र टिम्बुरबुङ वरिष्ठ माध्यमिक विद्यालयमा सफलतापूर्वक सम्पन्न भएको छ। क्याटालिटिक चार्टर शिक्षा प्रतिष्ठानद्वारा आयोजित यस कार्यक्रममा राज्य विद्यालय शिक्षा सचिव टाशी छोपेल लेप्चा मुख्य अतिथि थिए।

मुख्य अतिथि सचिव लेप्चाले कक्षा १० का विद्यार्थीहरूको शैक्षिक उपलब्धि सुधार गर्न तथा केन्द्रिय माध्यमिक शिक्षा बोर्ड परीक्षामा शतप्रतिशत उत्तीर्ण दर हासिल गर्न विद्यालय प्रमुख, शिक्षक तथा सरोकारवालाहरूको महत्वपूर्ण भूमिका रहेको उल्लेख गरे। उनले यस मार्गदर्शन कार्यक्रमले शिक्षकहरूलाई नवीन तथा क्रियात्मक शिक्षण विधिहरू अपनाउन सक्षम बनाउँदै कक्षालाई रमाइलो र सहभागितामूलक सिकाइ वातावरणमा रूपान्तरण गर्ने लक्ष्य राखेको बताए।

हिन्दुस्थान समाचार / बिशाल