पूर्व मेदिनीपुर, 25 अप्रेल (हि.स.)। पश्चिम बङ्गालमा पहिलो चरणको मतदान समाप्त भएपछि समुद्री पर्यटन स्थल दिघा तथा मन्दारमणि अब बिस्तारै आफ्नो सामान्य स्वरूपमा फर्किरहेको छ। शनिवार बिहानदेखि यहाँका होटल, दोकान तथा अन्य व्यवसायिक प्रतिष्ठानहरू खोलिनशुरू भएको छ तथापि पर्यटकहरूको सङ्ख्या अहिलेघरि न्यून छ।

पूर्व मेदिनीपुर जिल्लामा गत 23 अप्रेलको दिन पहिलो चरणको मतदान भएको थियो। मतदान अवधि कुनै पनि प्रकारको अशान्तिदेखि बच्नको लागि आयोगले बाहिरका मानिसहरूलाई होटलहरूमा बस्नदेखि अस्थायी रोक लगाएको थियो। यसको साथै क्षेत्रका सबै रक्सी दोकानहरूलाई पनि ब न्द राख्ने निर्देश दिइएको थियो। आयोगको निर्देशपछि 21 अप्रेलभित्रमा अधिकांश पर्यटकहरूले दिघा र मन्दारमणि छोड़ेर गएका थिए जसबाट समुद्र तट लगभग सुनसान नै भएको थियो।

गए बिहीवार अबेर साँझ मतदान प्रक्रिया समाप्त भएपछि शुक्रवारदेखि स्थिति सामान्य हुने आशा व्यक्त गरिँदैथ्यो। तथापि प्रशासनको लगातार गस्ती र सुरक्षा व्यवस्थाको कारणले स्थिति सामान्य हुन समय लाग्नेछ। यसबीच शनिवार होटल एवं दोकानहरू बिस्तारै खोलिन थाले पनि पर्यटकहरूको भीड़ अहिले पनि देखिएको छैन। होटल व्यवसायीहरूको भनाइ छ, आगामी 29 अप्रेलमा हुन गइरहेको दोस्रो चरणको मतदान र चार मईमा मतगणना नहुञ्जेलसम्म पर्यटकहरूको सङ्ख्या सीमित रहने सम्भावना छ।

हिन्दुस्थान समाचार / उष्णता छेत्री शर्मा