हुगली, 26 अप्रेल (हि.स.)। भीषण गर्मीबीच राहतको खबर प्राप्त भएको छ। अलिपुर मौसम विभागले दक्षिण बङ्गालका केही जिल्लाहरूमा कालबैसाखी (हुन्डरी) आउने तथा वर्षा हुने पूर्वानुमान जारी गरेको छ भने उत्तर बङ्गालमा घना वर्षा हुन चेताउनी दिइएको छ।
मौसम विभाग अनुसार पूर्वी बिहारको माथि एक चक्रवातीय परिसञ्चरण विकसित भएको छ जसको उच्चता समुद्र तलदेखि लगभग 0.9 किलोमीटर रहेको छ। यसैको प्रभावले बङ्गालको खाड़ीबाट प्रचुर मात्रामा नमी दक्षिण बङ्गाल तर्फ आइरहेको छ जसबाट हावा-हुन्डरी तथा वर्षाको सिलसिला शुरू हुनेछ। तथापि कतिपय क्षेत्रमा आद्रता कायम रहनसक्छ।
मौसम विभागले उत्तर 24 परगना, मुर्शिदाबाद, नदिया, पश्चिम मेदिनीपुर, बाँकुड़ा, पूर्व बर्धमान औ पश्चिम बर्धमान तथा बीरभूम जिल्लाको लागि आइतवार र सोमवारको लागि अरेञ्ज अलर्ट जारी गरेको छ। यी क्षेत्रहरूमा 50-60 किलोमीटर प्रतिघण्टाको गतिले तीव्र हावासितै वर्षा हुनसक्छ।
समुद्रमा पनि तीव्र हावा चलिरहेको छ जसको गति 40-50 किलोमीटर प्रतिघण्टा रहेको छ। यसले गर्दा पश्चिम बङ्गाल र उत्तर ओडिशाका तटीय क्षेत्रहरूमा समुद्र उग्र भएको छ। मछुआराहरूलाई बुधवारसम्म समुद्रमा नजाने सल्लाह दिइएको छ।
उत्तर बङ्गालमा आइतवार र सोमवार घना वर्षाको अलर्ट जारी गरिएको छ। दार्जीलिङ, जलपाईगुड़ी, कालेबुङ, अलिपुर तथा कुचबिहारमा तीव्र् वर्षासितै 40-50 किलोमीटर प्रतिघण्टाको गतिले हावा चल्नसक्छ। यो स्थिति आगामी शनिवारसम्म जारी रहने सम्भावना छ।
हिन्दुस्थान समाचार / उष्णता छेत्री शर्मा
