नयाँ दिल्ली, २६ अप्रेल (हि.स.)। प्रधानमन्त्री नरेन्द्र मोदीले आइतबार आफ्नो मासिक रेडियो कार्यक्रम “मन की बात” मा देशको ऊर्जा क्षेत्रसँग सम्बन्धित दुई ठूला उपलब्धिहरूको उल्लेख गरेका छन्। उनले तमिलनाडुको कलपक्कमस्थित फास्ट ब्रीडर रिएक्टरले ‘क्रिटिकलिटी’ हासिल गरेकोमा वैज्ञानिकहरूलाई बधाई दिएका छन्। साथै, पवन ऊर्जा क्षेत्रमा देशको उत्पादन क्षमता ५६ गिगावाटसम्म पुगेको उपलब्धिको पनि चर्चा गरेका छन्।

प्रधानमन्त्री मोदीले “मन की बात” को १३३औँ भागमा भारतको परमाणु ऊर्जा क्षेत्रमा प्राप्त यस महत्वपूर्ण उपलब्धिको उल्लेख गर्दै मार्च २०२४ को त्यो क्षण सम्झिएको बताए, जब उनी कलपक्कममा रिएक्टरको कोर लोडिङको साक्षी बनेका थिए।

प्रधानमन्त्रीले भने, यो उपलब्धि भारतको परमाणु ऊर्जा यात्रामा एक ऐतिहासिक कोसेढुङ्गा हो। यो रिएक्टर पूर्ण रूपमा स्वदेशी प्रविधिबाट निर्माण गरिएको हो, जसले देशको वैज्ञानिक क्षमता र आत्मनिर्भरताको प्रमाण दिन्छ।

यसका अतिरिक्त प्रधानमन्त्रीले देशका विभिन्न राज्यहरूमा पवन ऊर्जा क्षमताको विस्तारबारे पनि जानकारी दिएका छन्। उनले भने, पछिल्लो एक वर्षमा देशले ६ गिगावाट क्षमता थप गरेको छ, जसबाट कुल पवन ऊर्जा उत्पादन क्षमता ५६ गिगावाट पुगेको छ।

---------------

हिन्दुस्थान समाचार / भवानी थामी