जीन्द, 26 अप्रेल (हि.स.)। पिल्लूखेड़ा थाना क्षेत्रमा दुई जना युवकहरूले एक किशोरसित कुकर्म गरेको र त्यसपछि अश्लील भीडियो बनाएर ब्ल्याकमेल गर्दा पुलिसले पीड़ितका पिताको शिकायतमा दुई जना अभियुक्तहरू चाइल्ड प्रोटेक्शन एक्ट, ब्ल्याकमेल गरेको समेत विभिन्न भारतीय न्याय संहिताको धाराहरू अन्तर्गत मुद्दा दर्ता गरेको छ। पुलिसले यस विषयमा अनुसन्धान गरिरहेको छ।

उजुरीमा भनिएको छ कि 15 अप्रेल साँझ एउटै गाउँका लक्ष्य र अंकुशले उनको किशोर छोरालाई आफूसँगै लगेर उसित कुकर्म गरेका थिए। अभियुक्तहरूले उनको अश्लील भीडियो पनि बनाए। पछि अभियुक्तले भीडियो भाइरल बनाउने धम्की दिए र पैसा माग्दै ब्ल्याकमेल गर्नथाले। जब उनको छोराले आरोपीहरूको कुरा मानेन उनीहरूले अश्लील भीडियो भाइरल बनाए। पछि छोराले घटनाको बारेमा उनलाई जानकारी गराए, जसपछि पिल्लूखेड़ा थानामा उजुरी दर्ता गरियो। उजुरीको आधारमा पिल्लूखेड़ा पुलिस थानाले दुवै अभियुक्तहरू विरुद्ध चाइल्ड प्रोटेक्शन एक्ट समेत विभिन्न भारतीय न्याय संहिता अन्तर्गत मुद्दा दर्ता गरेको छ। पुलिसले यस विषयमा अनुसन्धान गरिरहेको छ।

हिन्दुस्थान समाचार / भवानी थामी