काकद्प, 26 अप्रेल (हि.स.)। दक्षिण 24 परगना जिल्लामा हुन लागेको आगामी चुनाउ शान्तिपूर्ण हुने अपेक्षा गरिएको छ। राज्यका मुख्य निर्वाचन अधिकारी मनोज कुमार अग्रवालले चुनावी तयारीको समीक्षा गर्न आइतवार काकद्वीपको भ्रमण गरे र सन्तोष व्यक्त गरे।

भ्रमणको क्रममा उनले जिल्ला प्रशासन अधिकारीहरू, पुलिस अधीक्षक र विभिन्न राजनीतिक दलका उम्मेदवारहरूसँग बैठक गरे। बैठकमा कानून व्यवस्था, सुरक्षा व्यवस्था र निष्पक्ष मतदान सुनिश्चित गर्ने सम्बन्धमा विस्तृत छलफल गरियो।

मीडियासित कुरा गर्दै मनोज कुमार अग्रवालले भने, मैले चुनावी तयारीको समीक्षा गरेको छु र स्थिति सन्तोषजनक छ। म सबै मतदाताहरूलाई स्वतन्त्र र निष्पक्ष रूपमा मतदान गर्न अपील गर्दछु।

उनले क्षेत्रमा मतदाता उपस्थिति 76 देखि 82 प्रतिशतबीच रहने अपेक्षा गरिएको र मानिसहरूलाई उत्साहपूर्वक भाग लिन आग्रह गरे।

उनले सबै राजनीतिक दलहरूबाट सहयोग मागेका छन् र चुनाउको समयमा अशान्ति सिर्जना गर्ने प्रयास गर्ने कुनै पनि व्यक्ति वा समूह विरुद्ध कड़ा कारबाही गरिने पनि बताए।

सीईओले प्रत्येक बुथको निगरानी सीसीटीभी क्यामेराले गर्ने र पर्याप्त सुरक्षा व्यवस्था मिलाइएको बताए।

हिन्दुस्थान समाचार / भवानी थामी