चण्डीगढ़, 26 अप्रेल (हि.स.)। आम आदमी पार्टी छोड़ेर भाजपामा सामेल भएका राज्यसभा सांसदहरूमाथि पञ्जाब सरकारले कड़ाइ गर्न थालेको छ। आइतवार पञ्जाब सरकारले क्रिकेटर तथा राज्यसभा सांसद हरभजन सिंह भज्जीलाई प्रदान गरिएको पञ्जाब पुलिस सुरक्षा फिर्ता लियो। त्यसको केही समयपछि उनलाई केन्द्र सरकारले सीआरपीएफ सुरक्षा प्रदान गर्यो ।

भज्जीभन्दा अघि पञ्जाब सरकारले राघव चड्ढाको सुरक्षा पनि फिर्ता लिएको थियो। हरभजन सिंहलाई राज्यसभा सांसदको रूपमा पञ्जाब सरकारले वाई-श्रेणीको सुरक्षा प्रदान गरेको थियो। उनको जालन्धरको घरमा तैनाथ पञ्जाब पुलिस कर्मीहरूलाई तुरुन्तै फिर्ता बोलाइएको छ। पञ्जाब पुलिसको सुरक्षा फिर्ता लिएको केही समयपछि केन्द्र सरकारले भज्जीलाई सीआरपीएफको सुरक्षा प्रदान गर्यो , जसलाई उनको घर बाहिर तैनाथ गरिएको छ। आम आदमी पार्टीका सांसद राघव चड्ढाले हिजो दाबी गरे कि हरभजन सिंहले पनि आम आदमी पार्टी (आप) छोड़ेका छन्। भज्जीले यसबारे खुलेर बोलेका छैनन्।

यसैबीच पञ्जाबका राज्यसभा सांसद विक्रमजीत साहनीले आइतवार एक समाचार च्यानलसँग कुरा गर्दै आफू कहिल्यै पनि आआपमा सामेल नभएको दाबी गरे। उनले भने, आआपका सुप्रीमो अरविन्द केजरीवालले उनको राजीनामा मागेका थिए तर सल्लाहकारहरूसँग परामर्श गरेपछि उनले राजीनामा दिएनन्। पञ्जाब हाल आईसीयूमा छ। यसलाई बचाउन केन्द्र सरकारको सहयोग आवश्यक छ।

यसैबीच चण्डीगढ़ आइपुगेका आआपका राज्यसभा सांसद सन्त बलबीर सिंह सीचेवालले पत्रकारहरूलाई भने, राघव चड्ढाले उनलाई 16, 17 र 18 अप्रेलमा चियाको लागि निम्तो दिएका थिए, तर उनी गएनन्। उनले चड्ढालाई कुनै प्रकारको आजाद ग्रुप नबनाउने वा त्यसमा सामेल हुन अस्वीकार गरेका थिए।

हिन्दुस्थान समाचार / भवानी थामी