बरपेटा (असम), 03 अप्रेल (हि.स.)। असममा विधानसभा निर्वाचनको सन्दर्भमा उत्तर प्रदेशका मुख्यमन्त्री योगी आदित्यनाथ शुक्रबार बरपेटामा पुगे। यस क्रममा उनले भाजपा उम्मेदवार दीपक कुमार दासको समर्थनमा आयोजित विशाल चुनावी रैलीलाई सम्बोधन गरे। उनले कामाख्या मन्दिरमा पूजा-अर्चना गरेपछि रंगाली बिहुको शुभकामना दिँदै असमको समृद्ध सांस्कृतिक सम्पदाबारे प्रकाश पारे।आफ्नो सम्बोधनमा आदित्यनाथले असमलाई संस्कृति र परम्पराको पवित्र भूमि भएको बताए। उनले भने, यो महान सांस्कृतिक व्यक्तित्व डा. भूपेन हजारिकाको जन्मभूमि हो। उनले प्रधानमन्त्री नरेन्द्र मोदीलाई भूपेन हजारिका तथा असमका प्रथम मुख्यमन्त्री गोपीनाथ बोरदोलोईलाई उचित सम्मान दिलाएको श्रेय दिए।मुख्यमन्त्री योगीले भने, “डबल इन्जिन” सरकारले राज्यमा सुशासन सुनिश्चित गरेको छ र सुरक्षा व्यवस्था मजबुत बनाएको छ। उनले कांग्रेसमाथि आरोप लगाउँदै असमको सम्पदाको उपेक्षा गरेको र काजीरंगा जस्ता महत्वपूर्ण स्थलहरूको सुरक्षाका लागि ठोस कदम नचालेको बताए। साथै भूपेन हजारिका जस्ता व्यक्तित्वलाई उचित सम्मान नदिएको पनि आरोप लगाए।मुख्यमन्त्री योगी आदित्यनाथले कांग्रेसमाथि असममा घुसपैठलाई प्रोत्साहन दिएको आरोप लगाए र भने, कांग्रेस र एआईयूडीएफ दुवैले असमिया संस्कृतिलाई क्षति पुर्याएका छन्। उनले जोड दिँदै भने, “डबल इन्जिन” सरकार राज्यमा सुरक्षा र विकासलाई मजबुत बनाउन प्रतिबद्ध छ।उत्तर प्रदेशको विकासबारे उल्लेख गर्दै उनले भने, ५०० वर्ष पुरानो सपना अब साकार भएको छ र राज्यमा अहिले न त साम्प्रदायिक द्वन्द्व छ, न त कर्फ्युको अवस्था।

हिन्दुस्थान समाचार / भवानी थामी