गुवाहाटी, 03 अप्रेल (हि.स.) ।असममा विधानसभा निर्वाचनको सन्दर्भमा केन्द्रिय गृहमन्त्री अमित शाहको गोलकगंजमा प्रस्तावित चुनावी सभा शुक्रबार हेलिकप्टरमा आएको प्राविधिक खराबीका कारण रद्द गरिएको छ।

स्रोतका अनुसार, अमित शाह दुई दिने असम भ्रमणमा रहेका छन् र शुक्रबार उनको भ्रमणको दोस्रो दिन हो। आज दिउँसो उनलाई गोलकगंजमा एक जनसभालाई सम्बोधन गर्नुपर्ने थियो, तर हेलिकप्टरमा समस्या आएपछि कार्यक्रम रद्द गर्नुपरेको हो। यद्यपि सभा रद्द भए पनि अमित शाहले फोनमार्फत जनतालाई सम्बोधन गरेका थिए।

उल्लेखनीय छ, उनको भ्रमणको पहिलो दिनका सबै निर्धारित कार्यक्रमहरू सफलतापूर्वक सम्पन्न भएका थिए। शुक्रबार पनि उनका धेरै चुनावी कार्यक्रम तय गरिएको थियो, जसमा गोलकगंजको सभा पनि समावेश थियो।

---------------

हिन्दुस्थान समाचार / भवानी थामी