कोलकाता, 08 अप्रेल (हि.स.)। पश्चिम बंगालमा मतदाता सूचीको विशेष गहन पुनरीक्षण (एसआईआर) प्रक्रिया पूरा भएपछि राज्यमा कूल मतदाताहरूको संख्या पहिलो पटक घटेको छ। 2011 देखि निरन्तर बढ्दै गएको मतदाता गणना अब लगभग 6.75 करोड़ रहेको छ। यो जानकारी राज्यको मुख्य निर्वाचन अधिकारीको कार्यालयले जारी गरेको अन्तिम पूरक सूचीको विश्लेषणबाट बाहिर आएको हो।

तथ्याङ्क अनुसार, 2011 मा जब वाम मोर्चाको 34 वर्षे शासन समाप्त भयो र ममता ब्यानर्जीको नेतृत्वमा रहेको तृणमूल कांग्रेस (टीएमसी) सरकार सत्तामा आयो, राज्यमा लगभग 5 करोड़ 62 लाख मतदाता थिए। त्यसपछिका प्रत्येक चुनाउमा मतदाताहरूको संख्या निरन्तर बढ्दै गएको छ।

चुनावी वर्ष अनुसार मतदाताहरूको संख्या

वर्ष 2011 (विधानसभा चुनाउ) – लगभग 5.62 करोड़

वर्ष 2014 (लोकसभा चुनाउ) – लगभग 6.27 करोड़

वर्ष 2016 (विधानसभा चुनाउ) – लगभग 6.58 करोड़

वर्ष 2019 (लोकसभा चुनाउ) – लगभग 6.98 करोड़

वर्ष 2021 (विधानसभा चुनाउ) – लगभग 7.33 करोड़

वर्ष 2024 (लोकसभा चुनाउ) – लगभग 7.60 करोड़

यद्यपि, गत नोभेम्बरमा शुरू भएको बंगालमा एसआईआर प्रक्रिया पूरा भएपछि, यो संख्या अब 6.75 करोड़मा झरेको छ।

राजनीतिक दलहरूले पहिले आरोप लगाएका थिए कि नयाँ र पहिलो पटक मतदाताहरूको नाम थपिँदै गर्दा, मृतक, स्थानान्तरण गरिएका, हराएका र दोहोरिएका नाम भएका मतदाताहरूलाई हटाउने प्रक्रिया प्रभावकारी रूपमा भइरहेको थिएन।

निर्वाचन विश्लेषकहरूको विश्वास छ कि यस संशोधनको क्रममा मृतक, स्थानान्तरण गरिएका, बेपत्ता, दोहोरिएका र नक्कली मतदाताहरूको नाम ठूलो मात्रामा हटाइएको छ, जसले गर्दा मतदाता संख्यामा यो उल्लेखनीय गिरावट आएको छ।

विशेषज्ञहरू अनुसार, यस प्रक्रियाले मतदाता सूचीलाई अझ् पारदर्शी र सटीक बनाएको छ, विशेष गरी यस्तो समयमा जब राज्यमा यस महिना दुई चरणको विधानसभा चुनाउ हुन गइऱहेको छ।

हिन्दुस्थान समाचार / भवानी थामी