पटना, 09 अप्रेल (हि.स.)। मुख्यमन्त्री नितिश कुमार राज्यसभाको सदस्यता लिन आज दिउँसो 1ः20 बजी दिल्लीका लागि प्रस्थान गर्नेछन्। 16 मार्चमा नितिश कुमार राज्यसभाको सदस्य चुनिए। 30 मार्चमा मुख्यमन्त्रीले विधान परिषद्को सदस्यताबाट राजीनामा दिए।
आज जब नितिश कुमारले दिल्ली पुगेपछि जदयुका वरिष्ठ नेताहरूसँग विचार-विमर्श गर्नेछन्, बिहारको नयाँ सरकारमा निशान्त र जदयुको भूमिकाबारे पनि छलफल हुनेछ। बैठकमा जनता दलयुका राष्ट्रिय कार्यवाहक अध्यक्ष सञ्जय झा, पार्टीका वरिष्ठ नेता तथा केन्द्रिय मन्त्री ललन सिंह, जलस्रोत मन्त्री विजय कुमार चौधरी, जनता दल (यु) का सांसद तथा पार्टीका वरिष्ठ नेताहरू पनि उपस्थित रहनेछन्।
अर्कातिर बिहारको आगामी मुख्यमन्त्रीका बारेमा भारतीय जनता पार्टी (भाजपा) का अध्यक्ष नितिन नवीनले भने कि कतै पनि मतभेद छैन, सबै कुरा तालिकाअनुसार भइरहेको छ। नितिश कुमारले अप्रेल 10 मा राज्यसभामा पदको शपथ लिइरहेका छन्। सबै कुरा नितिश कुमारको नेतृत्वमा निर्णय भइरहेको छ।
नितिश कुमारको दिल्ली भ्रमणमा जदयुका वरिष्ठ नेता तथा नितिशका निकट सहयोगी विजय चौधरीले भने, मुख्यमन्त्री आज दिल्ली जाँदैछन्, 10 तारिख राज्यसभाको सदस्यता लिनेछन्, त्यसपछि मात्र नितिश कुमारको राजीनामा हुनेछ। जब नितिश कुमार बिहार फर्कन्छन्, त्यहाँ राष्ट्रिय लोकतान्त्रिक गठबन्धन (एनडीए) का घटकहरूको बैठक हुनेछ। बैठकमा नयाँ सरकार गठनबारे अन्तिम निर्णय हुनेछ।
--------
हिन्दुस्थान समाचार / भवानी थामी
