नयाँ दिल्ली, 09 अप्रेल (हि.स.)। राष्ट्रिय बजेट एयरलाइन इन्डिगो र बैंगलोर अन्तरराष्ट्रिय विमानस्थल लिमिटेड (बीआईएएल) ले अन्तरराष्ट्रिय हवाई यातायात संघ (आईएटीए) सँगको सहकार्यमा सम्पर्करहित अन्तरराष्ट्रिय यात्रा परियोजनाको तकनीकी परीक्षणहरू पूरा गरेका छन्। प्रदर्शन बेंगलुरुको केम्पेगौडा अन्तरराष्ट्रिय विमानस्थलमा भयो, जसले टिकटिङ र बुकिङ व्यवस्थापनदेखि बायोमेट्रिक-सक्षम विमानस्थल यात्रासम्मको सम्पूर्ण यात्रा प्रवाहलाई समेट्छ।

इण्डिगो अनुसार, भारतमा यो आफ्नो किसिमको पहिलो पहल विश्वभरिका प्रमुख बजारहरूमा अन्तरराष्ट्रिय सम्पर्करहित यात्राको लागि प्रमाण-अवधारणा (PoCs) सञ्चालन गर्ने आईएटीएको विश्वव्यापी अभियानको एक हिस्सा हो। यस वर्षको शुरूआतमा इण्डिगो र डिजी यात्रा फाउन्डेशनले विमानस्थलहरूमा यात्रुहरूको कन्टेक्टलेस प्रोसेसिङको निम्ति बायोमेट्रिक प्रविधि प्रयोग गरेर अत्याधुनिक आत्म-सार्वभौम पहिचान (एसएसआई) आधारित इकोसिस्टम सफलतापूर्वक कार्यान्वयन गरेको थियो।

इण्डिगोले भन्यो कि उनीहरूले एप-टु-एप एकीकरण पनि लागू गरेका थिए, जसले गर्दा उनीहरूको मोबाइल एपहरू बीच बोर्डिङ पासहरू सजिलै साझेदारी गर्न सकिन्छ। यस सफल मोडेललाई अगाड़ी बढ़ाउँदै इण्डिगो र डिजी यात्रा फाउन्डेशनले बीआईएएल सँगको सहकार्यमा यस टेक्नोलोजीको उपयोगिता र स्केलेबिलिटी क्षमताको प्रदर्शन गरेका छन् जसले अन्तरराष्ट्रिय यात्रालाई सम्भव बनाउँछ। यो पूर्ण कार्यान्वयनतर्फको एक महत्वपूर्ण कदम हो र डिजिटल यात्राको अर्को चरणको शुरूआत हो।

इण्डिगोका प्रमुख डिजिटल तथा सूचना अधिकारी नीतन चोपड़ाले भने, इण्डिगोमा हामी नवीनता र ग्राहक-केन्द्रित समाधानहरू मार्फत यात्राको भविष्यलाई आकार दिन प्रतिबद्ध छौं। यी सफल टेक्निकल परीक्षणहरूले डिजिटल पहिचान र बायोमेट्रिक टेक्नोलोजीको प्रयोग गरेर निर्बाध र सम्पर्करहित विमानस्थल अनुभव प्रदान गर्ने सम्भावना र स्केलेबिलिटी स्पष्ट रूपमा प्रदर्शन गर्दछन्। हामी आईएटीए, डिजी यात्रा र बीआईएएल सँग साझेदारी गर्न पाउँदा खुशी छौं जसले यो पहललाई केवल एक विचार चरणभन्दा बाहिर लैजान्छ र आशा गर्दछ कि यसले विश्वव्यापी हवाई यात्राको विकासमा प्रमुख भूमिका खेल्नेछ।

हिन्दुस्थान समाचार / भवानी थामी