रायपुर, 17 मई (हि.स.)। केन्द्रिय गृह तथा सहकारिता मन्त्री अमित शाह १७ देखि १९ मईसम्म छत्तीसगढ़को भ्रमणमा रहनेछन्। यस अवधिमा उनले सुरक्षा व्यवस्था, बस्तर क्षेत्रका विकास कार्य तथा जनसुविधा सम्बन्धी योजनाहरूको समीक्षा गर्नेछन्।

उनी रायपुर र बस्तर सम्भागमा आयोजना हुने विभिन्न कार्यक्रममा सहभागी हुनेछन्। अमित शाह नेतानार जानेछन् तथा जगदलपुरमा मध्य क्षेत्रीय परिषद्को बैठकको अध्यक्षता गर्नेछन्। यस क्रममा उनले राज्यमा डायल ११२ सेवाको विस्तारअन्तर्गत ४०० नयाँ सवारीसाधनलाई सञ्चालनका लागि रवाना गर्नेछन्। साथै प्रत्येक जिल्लामा फरेन्सिक युनिटको सुविधा उपलब्ध गराउने दिशामा पनि पहल गरिनेछ।

बस्तरमा जनसुविधा केन्द्रहरूको उद्घाटन, विकास कार्यहरूको समीक्षा तथा शहीद जवानहरूलाई श्रद्धाञ्जली अर्पण गर्ने कार्यक्रमहरू पनि भ्रमणको हिस्सा रहनेछन्। सरकारले यस भ्रमणलाई सुरक्षा र विकासबीच सन्तुलन कायम गर्ने दिशामा महत्वपूर्ण कदमका रूपमा लिएको छ।

---------------

हिन्दुस्थान समाचार / भवानी थामी