मुम्बई, 18 मई (हि.स.)। सेन्ट्रल ब्यूरो अफ इन्वेस्टिगेशन (सीबीआई) को टोलीले सोमवार नीट-यूजी 2026 पेपर लीक प्रकरणको सम्बन्धमा महाराष्ट्रको लातूरमा रेणुकाई केमिस्ट्री क्लासेस (आरसीसी) को मालिक शिवराज रघुनाथ मोटेगांवकरलाई पक्राउ गरेको छ। सीबीआई टोलीले यस विषयमा गहन अनुसन्धान गरिरहेको छ।
सीबीआई सूत्रहरू अनुसार, नीट पेपर लीक मामिलामा मोटेगांवकरको संलग्नता रहेको जानकारी प्राप्त भएको थियो। फलस्वरूप सीबीआईले आइतवार आरसीसी कार्यालय र मोटेगांवकरको घरमा खोजी गऱ्यो। यसपछि सीबीआईले मोटेगांवकरसित लगभग 11 घण्टा सोधपुछ गऱ्यो। सोधपुछको क्रममा मोटेगांवकर सीबीआईको प्रश्नहरूको जवाफ दिन असमर्थ थिए, जसले गर्दा आज उनलाई पक्राउ गरिएको हो।
सीबीआई सूत्रहरूले भने, मोटेगांवकर नीट-यूजी पेपर लीक र प्रसारमा संलग्न एक संगठित गिरोहको सक्रिय सदस्य थिए। यसका साथै मोटेगाउँकरले अन्य अभियुक्तहरूसँग मिलेर 23 अप्रेल 2026 मा परीक्षा हुनुभन्दा अगाड़ी नै नीट यूजी 2026 को प्रश्नपत्र र उत्तरहरू प्राप्त गरेका थिए। मोटेगाउँकरले उक्त प्रश्नपत्र धेरै व्यक्तिहरूलाई वितरण गरेको आरोप छ।
यो उल्लेखनीय छ कि नेशनल एलिजिबिलिटी-कम-एन्ट्रेन्स टेस्ट (नीट) 03 मईमा 551 भारतीय शहरहरू र 14 विदेशी केन्द्रहरूमा सञ्चालन गरिएको थियो। प्रश्नपत्र लीक भएको गुनासोपछि परीक्षा रद्द गरिएको थियो र सीबीआईले अनुसन्धान गर्न मुद्दा दर्ता गरेको थियो। सीबीआईले यस मुद्दामा हालसम्म धेरै व्यक्तिहरूलाई पक्राउ गरिसकेको छ, जसमा पुणेकी जीवविज्ञान व्याख्याता मनीषा गुरुनाथ मन्धरे पनि सामेल छिन्। तिनीहरू सबै राष्ट्रिय परीक्षण एजेन्सी (एनटीए) को प्रश्नपत्र-सेटिङ समितिको हिस्सा थिए।
हिन्दुस्थान समाचार / भवानी थामी
