नयाँ दिल्ली, 18 मई (हि.स.)। प्रधानमन्त्री नरेन्द्र मोदीले सोमवार बिहान उत्तर प्रदेशको लखीमपुर खीरीमा भएको दुर्घटनामा शोक व्यक्त गर्दै क्षतिपूर्तिको घोषणा गरे। दुर्घटनामा ट्रक र भ्यान ठोक्किएर आठ जनाको मृत्यु भयो।
प्रधानमन्त्रीले दुर्घटनामा ज्यान गुमाउने परिवारप्रति समवेदना व्यक्त गरे र घाइतेहरूको शीघ्र स्वास्थ्यलाभको कामना गरे।
प्रधानमन्त्रीले एक्समा भनेका छन्, लखीमपुर खीरीमा भएको दुर्घटनाबारे सुनेर म आहत छु। आफ्ना प्रियजनहरू गुमाउनेहरूप्रति मेरो समवेदना। घाइतेहरू छिटोभन्दा छिटो निको होस्।
प्रधानमन्त्रीले मृतकका परिवारलाई राष्ट्रिय राहत कोषबाट प्रतिव्यक्ति 2 लाख रुपियाँको अनुग्रह राशि दिने पनि घोषणा गरे। दुर्घटनामा घाइते भएकाहरूलाई 50 हजार रूपियाँ आर्थिक सहयोग प्रदान गरिनेछ।
उल्लेखनीय छ कि सोमवार बिहान लखीमपुर-बहराइच राजमार्गमा तीव्र गतिमा रहेको ट्रक र भ्यान ठोक्किए। यस दुःखद दुर्घटनामा आठ जनाको घटनास्थलमै मृत्यु भयो भने दुई जना गम्भीर घाइते भए। घाइतेहरूको अस्पतालमा उपचार भइरहेको छ।
हिन्दुस्थान समाचार / भवानी थामी
