नयाँ दिल्ली, 20 मई (हि.स.)। काङ्ग्रेसले आज केन्द्रलाई ग्रेट निकोबार टापु परियोजनामा पर्यावरणीय चिन्ता उठाउनेहरूलाई चीन समर्थकको रूपमा ब्रान्ड गरेर मुद्दालाई भट्काउने प्रयास गरेको आरोप लगाएको छ।

सोसल मिडिया प्लेटफर्म एक्समा एक पोस्टमा पार्टीका सञ्चार प्रभारी महासचिव जयराम रमेशले सरकारको मनोवृत्ति विपक्षीहरूलाई बदनाम गर्ने जस्तै भएको बताए। सन् 2020 मा लद्दाखमा भएका घटनापछि सरकारको स्थितिलाई लिएर धेरै चिन्ता व्यक्त गरिएको थियो। भारत र चीनबिचको वार्ताका क्रममा केही क्षेत्रमा परम्परागत गस्ती र अधिकारसम्बन्धी प्रावधानमा परिवर्तन भएको छ। उनले व्यापार घाटा र रणनीतिक पक्षहरूको पनि उल्लेख गरे।

उनले भने, भारतले चिनको आर्थिक र रणनीतिक चुनौतिहरूको सामना गर्नुपर्नेछ, तर ग्रेट निकोबार परियोजना मुख्यतया एक व्यावसायिक परियोजना हो। प्रस्तावित ट्रान्ससिपमेन्ट बन्दरगाहको सैन्य पूर्वाधारसँग कुनै सम्बन्ध छैन।

अन्डमान र निकोबार कमान्डका केही क्षेत्रमा सैन्य पूर्वाधार विस्तार गर्ने सुझाउलाई लामो समयदेखि बेवास्ता गरिएको जयराम रमेशले दाबी गरे।

उनले यस परियोजनाको पछाडि ठुलो कर्पोरेट स्वार्थ हुन सक्ने आरोप लगाए, जसले पर्यावरण र स्थानीय जनसंख्यामा गम्भीर असर पार्ने आशंका गरिएको छ। यस परियोजनाले पारिस्थितिक र मानवीय दृष्टिले ठुलो जोखिम निम्त्याउन सक्ने उनले बताएका छन्।

---------------

हिन्दुस्थान समाचार / भवानी थामी