नयॉं दिल्ली, 20 मई (हि.स.)। आर्सनलले प्रीमियर लिग 2025-26 को उपाधि जितेको छ। बुधबार म्यानचेस्टर सिटी र बोर्नेमाउथबीचको खेल 1-1 को बराबरीमा समाप्त भएपछि आर्सेनलको ट्रफी जित पुष्टि भएको हाे।

बराबरीपछि पेप गार्डियोलाको म्यानचेस्टर सिटीको 78 अंक छ भने आर्सनलको 82 अंक छ। लिगमा केवल एउटा खेल बाँकी छ, सिटीले अब आर्सेनललाई उछिन्न सक्दैन।

आर्सनलले पछिल्लो 2003-04 सिजनमा प्रीमियर लिगको उपाधि जितेको थियो। त्यो ऐतिहासिक 'अजेय' सिजनमा आर्सेन वेङ्गरको कोचिङमा टोलीले सम्पूर्ण सिजनमा एउटा पनि खेल हारेको थिएन।

भिक्टर ग्योकेरेसले यस सिजन आर्सेनलका लागि 14 गोल गर्दै सबैभन्दा बढी गोल गरेका छन्। मार्टिन ओडेगार्ड र लिएन्ड्रो ट्रोसार्डले 6-6 गाेल दागेर टोलीको सफलतामा योगदान दिए। गोलकिपर डेभिड रायाले 19 वटा क्लिन सिटका साथ लगातार तेस्रो पटक गोल्डेन ग्लोभ अवार्ड जितेका छन्।

यो आर्सेनलको मुख्य प्रशिक्षक मिकेल आर्टेटाको पहिलो लिग उपाधि पनि हो। आर्टेटाले सन् 2019 मा क्लबको जिम्मेवारी सम्हालेका थिए। त्यो भन्दा पहिले, उनी साढे तीन वर्षसम्म पेप गार्डियोलाको सहायक प्रशिक्षक थिए।

प्रीमियर लिगको उपाधि जितेपछि आर्सेनलको अब युइएफए च्याम्पियन्स लिग 2025-26 को फाइनलमा आँखा रहनेछ, जहाँ उनीहरूले वर्तमान च्याम्पियन पेरिस सेन्ट-जर्मेनको सामना गर्नेछन्।

--------

हिन्दुस्थान समाचार / बिशाल