नयाँ दिल्ली, 26 मई (हि.स.)। कांग्रेस महासचिव (सञ्चार) जयराम रमेशले पश्चिम एशिया संकट र अर्थव्यवस्थाबारे वित्तमन्त्री निर्मला सीतारमणको '3एफ' बयानमा केन्द्र सरकारलाई घेरेका छन्। उनले भने, वित्तमन्त्री आफैं इन्धन, मल र विदेशी मुद्रा भण्डारमा दबाबको बारेमा कुरा गरिरहेकी छन् जबकि देशमा पेट्रोल र डिजेलको निरन्तर बढ्दो मूल्यका कारण आम जनता दबाबमा छन्।

जयराम रमेशले मंगलवार एक्समा भनेका छन्, वित्तमन्त्रीले 3एफ (इन्धन, मल र विदेशी मुद्रा) लाई गम्भीर चिन्ताको विषय बताएकी छन् तर उनले चौथो र सबैभन्दा महत्त्वपूर्ण 'एफ' बिर्सिरहेकी छन्। विगत केही वर्षदेखि निजी लगानीको घट्दो दर निरन्तर देखिँदै आएको छ। कूल प्रत्यक्ष विदेशी लगानी (एफडीआई) प्रवाह घटेको छ र सकल घरेलू उत्पाद (जीडीपी) को प्रतिशतको रूपमा निजी कोर्पोरेट लगानी 2014 भन्दा पहिलेको उच्चतम स्तरको लगभग आधा पुगेको छ।

रमेशले भने, भारतीय व्यवसायहरू अब विदेशमा थप स्थिर र लाभदायक अवसरहरू खोजिरहेका छन् र भारतीय कोर्पोरेट दिग्गजहरू पनि विदेशमा बसोबास गरिरहेका छन्। लगानी केवल वित्तीय निर्णय मात्र होइन तर मनोवैज्ञानिक कारकहरूबाट पनि प्रभावित हुन्छ। व्यापक उपभोक्ता मागमा वृद्धिको अभावले कम्पनीहरूलाई लगानी गर्न हतोत्साहित गरेको छ।

यो उल्लेखनीय छ कि भारतीय लघु उद्योग विकास बैंक (सिडबी) को 37औं वार्षिकोत्सवको अवसरमा सीतारमणले '3एफ' अर्थात् फ्यूल, फर्टिलाइजर र फोरेक्समा विशेष ध्यान दिन अपील गरेकी थिइन्।

हिन्दुस्थान समाचार / भवानी थामी