नयाँ दिल्ली, 30 मई (हि.स.)। राष्ट्रिय परीक्षण एजेन्सी (एनटीए) ले शनिवार घोषणा गर्योए कि यसको परीक्षा साझेदार, टाटा कन्सल्टेन्सी सर्भिसेज (टीसीएस) द्वारा रिपोर्ट गरिएको तकनीकी गड़बड़ीका कारण 30 मईमा केही परीक्षा केन्द्रहरूमा कमन यूनिवर्सिटी एन्ट्रेन्स टेस्ट (सीयूईटी-यूजी) 2026 परीक्षा समयमै शुरु हुन सकेन।

एनटीए अनुसार, तकनीकी समस्या अब समाधान भएको छ र कुनै पनि उम्मेदवार प्रभावित नहुने कुरा सुनिश्चित गरिएको छ। प्रभावित केन्द्रहरूमा रहेका परीक्षार्थीहरूलाई पर्याप्त क्षतिपूर्ति समय दिइनेछ।

संशोधित कार्यक्रम जारी गर्दै एजेन्सीले दिउँसोको सत्रमा उपस्थित हुने अभ्यर्थीहरूका लागि प्रवेश प्रक्रिया दिउँसो 2.30 बजी शुरू हुने बताएको छ, जबकि परीक्षा अब दिउँसो 4 बजी शुरु हुनेछ, जुन पहिले दिउँसो 3 बजीको लागि निर्धारित गरिएको थियो।

एनटीएले स्पष्ट पारेको छ कि बिहानको सत्रमा उपस्थित हुने अभ्यर्थीहरूलाई प्रश्नपत्र पूरा गर्न पूर्ण समय दिइँदैछ र पूर्ण परीक्षा अवधि समाप्त भएपछि मात्र केन्द्र छोड्न अनुमति दिइनेछ।

विद्यार्थी र अभिभावकहरूलाई पर्न गएको असुविधाको लागि एनटीएले क्षमा याचना गरेको छ र परीक्षा प्रक्रियालाई सहज रूपमा सञ्चालन गर्न आवश्यक कदम चालिएको बताएको छ।

कुनै पनि सहयोग वा जानकारीको लागि एजेन्सीले हेल्पलाइन नम्बर +91-11-40759000 तथा ईमेल आईडी cuet-ug@nta.ac.in जारी गरेको छ।

हिन्दुस्थान समाचार / भवानी थामी