काङपोकपी, 31 मई (हि.स.)। 30 मई दिउँसो 1.45 बजी मणिपुरको काङपोकपी जिल्लाको खरम वैफेई गाउँ नजिकै अज्ञात हतियारधारीहरूले गोलीबारी गरेपछि क्षेत्रमा तनाव सिर्जना भयो।

घटनाको क्रममा गाउँका पाँच माटोका घरहरूमा आगलागी भएको र ती घरहरू पूर्ण रूपमा ध्वस्त भएको पुलिसले आइतवार जानकारी दिएको छ। घटनाले स्थानीयहरूमा त्रास सिर्जना गरेको छ।

सूचना पाएपछि जिल्ला पुलिस र सुरक्षा बलले घटनास्थलमा पुगेर स्थिति नियन्त्रण गर्न संयुक्त कारबाही गरे। समयमै कारबाहीले स्थिति बिग्रनबाट रोकेको छ।

अधिकारीहरू अनुसार घटनामा कुनै पनि हताहत वा घाइते भएको रिपोर्ट गरिएको छैन। यसैबीच प्रशासनले सामाजिक सञ्जालमा फैलिएका केही पोस्ट र दावीहरूलाई पूर्ण रूपमा भ्रामक र आधारहीन भनेर खारेज गरेको छ। प्रशासनले सुरक्षा बल र जिल्ला पुलिस अधीक्षकको बारेमा गरिएका दाबीहरूलाई खारेज गर्दै यी कथनहरू वास्तविक तथ्यहरूसँग मेल नखाने बताएको छ।

संवेदनशील परिस्थितिमा भ्रामक जानकारी वा प्रचार फैलाउने व्यक्ति र संस्थाहरू विरुद्ध कड़ा कानूनी कारबाही गरिने प्रशासनले चेतावनी दिएको छ।

हिन्दुस्थान समाचार / भवानी थामी