नयाँ दिल्ली, 19 जून (हि.स.)। प्रधानमन्त्री नरेन्द्र मोदी 20 र 21 जूनमा पश्चिम बंगालको दुई दिने यात्रामा हुनेछन्। यस यात्राको क्रममा उनी हुगली जिल्लामा पश्चिम बंग दिवस समारोहमा भाग लिनेछन्, विभिन्न विकास परियोजनाहरूको उद्घाटन र शिलान्यास गर्नेछन्, किसानहरूका लागि धेरै केन्द्रिय कृषि योजनाहरू शुरु गर्नेछन् र 21 जूनमा कोलकातामा अन्तरराष्ट्रिय योग दिवस समारोहको नेतृत्व गर्नेछन्।

प्रधानमन्त्री कार्यालय अनुसार, 20 जूनमा प्रधानमन्त्री हुगली जिल्लाको तारकेश्वरमा पश्चिम बंगाल दिवस समारोहमा भाग लिनेछन्। यस अवसरमा उनले रेलवे, कृषि, ग्रामीण विकास, मत्स्यपालन र पशुपालन क्षेत्रसँग सम्बन्धित धेरै विकास परियोजनाहरूको उद्घाटन र शिलान्यास गर्नेछन् र एक जनसभालाई सम्बोधन गर्नेछन्।

प्रधानमन्त्रीले देशभरिका 9.44 करोड़भन्दा बढ़ी किसानहरूको खातामा प्रत्यक्ष लाभ हस्तान्तरण (डीबीटी) मार्फत प्रधानमन्त्री किसान सम्मान निधि (पीएम-किसान) को 23औं किस्ती जारी गर्नेछन्। यस योजना अन्तर्गत किसानहरूको खातामा 18,880 करोड़भन्दा बढ़ी रकम स्थानान्तरण गरिनेछ। पश्चिम बंगालका 45 लाखभन्दा बढ़ी किसानहरूले 900 करोड़भन्दा बढ़ी रकम प्राप्त गर्नेछन्।

प्रधानमन्त्रीले पश्चिम बंगालमा प्रधानमन्त्री फसल बीमा योजना (पीएमएफबीवाई) शुरू गर्नेछन्। यो योजनाले 2026-27 मा राज्यका लगभग 50 लाख किसान र 14 लाख हेक्टर कृषि जमिनलाई बीमा सुरक्षा प्रदान गर्ने लक्ष्य राखेको छ। यस बाहेक डिजिटल कृषि मिशन अन्थर्गत एग्रीस्ट्याक, प्राकृतिक खेतीका लागि राष्ट्रिय मिशन र प्रधानमन्त्री धन-धान्य कृषि योजना पनि शुरु गरिनेछ।

प्रधानमन्त्रीले दक्षिण 24 परगना जिल्लाको फ्रेजरगञ्जमा आधुनिकीकृत मत्स्यपालन बन्दरगाह र बीरभूम जिल्लाको सैंथियामा नयाँ आधुनिक माछा बजारको उद्घाटन गर्नेछन्। उनले पूर्वी भारतको नादिया जिल्लाको हरिङ्गहाटामा क्षेत्रीय वीर्य उत्पादन प्रयोगशाला र बाख्राहरूको लागि वीर्य बैंकको पनि उद्घाटन गर्नेछन्, जुन यस प्रकारको पहिलो सुविधा हो।

रेलवे क्षेत्रमा लगभग 590 करोड़ मूल्यका परियोजनाहरूलाई पनि तीव्रता दिइनेछ। प्रधानमन्त्रीले हावड़ा जिल्लामा सांकराइल-सांतरागाछी लिंक लाइन परियोजना राष्ट्रलाई समर्पित गर्नेछन्। उनले हावड़ामा नयाँ 300 शैयाको डिभिजनल रेलवे अस्पताल र पूर्व मेदिनीपुर जिल्लामा हावड़ा-राधामोहनपुर रेल ओभरब्रिज (आरओबी) को शिलान्यास पनि गर्नेछन्।

उनले प्रधानमन्त्री ग्राम सड़क योजना (पीएमजीएसवाई-III) अन्तर्गत विकसित 49 सड़क परियोजनाहरूको पनि उद्घाटन गर्नेछन्, जसको लम्बाइ 315 किलोमिटरभन्दा बढ़ी छ। यी परियोजनाहरूले ग्रामीण क्षेत्रमा सम्पर्कलाई सुदृढ़ पार्ने अपेक्षा गरिएको छ।

प्रधानमन्त्रीले 21 जूनमा कोलकाताको रेड रोडमा 12औं अन्तरराष्ट्रिय योग दिवस समारोहको नेतृत्व गर्नेछन्। यस वर्षको योग दिवसको विषयवस्तु स्वस्थ वृद्धावस्थाका लागि योग राखिएको छ। प्रधानमन्त्रीले हजारौं योग अभ्यासकर्ताहरूसँग साझा योग प्रोटोकल सत्रमा भाग लिनेछन् र भेलालाई सम्बोधन गर्नेछन्।

त्यसपछि प्रधानमन्त्रीले कोलकाताको श्यामाप्रसाद मुखर्जी बन्दरगाहमा स्वदेशी रूपमा डिजाइन गरिएका र निर्मित तीन नौसेना जहाजहरू - आईएनएस दुनागिरी, आईएनएस संशोधन र आईएनएस अग्रय - भारतीय नौसेनामा समर्पित गर्नेछन्। भारतीय नौसेनाको युद्धपोत डिजाइन ब्यूरोद्वारा डिजाइन गरिएका यी जहाजहरू कोलकाता स्थित गार्डेन रिच शिपबिल्डर्स एण्ड इन्जिनियर्सद्वारा 200 भन्दा बढ़ी एमएसएमईहरूको सहभागितामा निर्माण गरिएको छ। यी जहाजहरूले 75 प्रतिशतभन्दा बढ़ी स्वदेशी सामग्री प्रयोग गर्छन्, जुन आत्मनिर्भर भारततर्फको महत्वपूर्ण उपलब्धि हो।

हिन्दुस्थान समाचार / भवानी थामी