कोलकाता, २० जून (हि.स.)। पश्चिम बंगाल दिवसको अवसरमा केन्द्रिय गृहमन्त्री अमित शाहले राज्यवासीलाई शुभकामना व्यक्त गरेका छन्। उनले पश्चिम बंगालका जनताको सुख, शान्ति र समृद्धिको कामना गरेका छन्।

केन्द्रिय गृहमन्त्री अमित शाहले सामाजिक सञ्जाल ‘एक्स’ मार्फत शुभकामना व्यक्त गर्दै पश्चिम बंगालका सबै नागरिकलाई बधाई दिएका छन्। उनले भने, “समृद्ध संस्कृति, अध्यात्म, ज्ञान र विज्ञानको भूमि बंगालले भक्ति आन्दोलन, स्वतन्त्रता सङ्ग्राम, पुनर्जागरणदेखि राष्ट्र निर्माणका प्रत्येक चरणमा असाधारण योगदान दिएको छ।”

शाहले स्वामी विवेकानन्द, बन्किमचन्द्र चट्टोपाध्याय, रवीन्द्रनाथ ठाकुर, नेताजी सुभाषचन्द्र बोस र डा. श्यामा प्रसाद मुखर्जी जस्ता महान व्यक्तित्वहरूको पवित्र भूमि बंगाल प्रधानमन्त्री मोदीको नेतृत्वमा आफ्नो गौरवशाली परम्परा र वैभव पुनःस्थापित गर्ने दिशामा अघि बढिरहेको बताए। उनले माता दुर्गासँग प्रार्थना गर्दै राज्यका सबै नागरिकको जीवन सुख, शान्ति, समृद्धि र कल्याणले भरिपूर्ण रहोस् भन्ने कामना व्यक्त गरेका छन्।

---------------

हिन्दुस्थान समाचार / भवानी थामी