नयाँ दिल्ली, 22 जून (हि.स.)। केन्द्रिय अन्वेषण ब्यूरो (सीबीआई) ले आइतवार 1.25 करोड़ रूपियाँको बैंक ठगी मुद्दामा दुई फरार अभियुक्तलाई पक्राउ गरेको छ। पक्रा परेका अभियुक्तहरू बृजभूषण प्रसाद र कर्तार सिंहमाथि नोभेम्बर 2002 देखि जून 2005 सम्म झारखण्डको धनबाद स्थित स्टेट बैंक अफ इन्डिया (एसबीआई) को मुख्य शाखामा 1,25,47,950 रुपियाँको ठगी गरेको आरोप छ।

सीबीआईले बतायो, अनुसन्धानको क्रममा दुई अभियुक्त नेपाल भागेका थिए, जसपछि अदालतले उनीहरूलाई फरार घोषित गऱ्यो र उनीहरू विरुद्ध रेड कर्नर नोटिस जारी गऱ्यो। आइतवार दुई छुट्टाछुट्टै कारबाहीमा दुई अभियुक्तलाई पक्राउ गरिएको छ। एजेन्सीले बृजभूषण प्रसादलाई महाराष्ट्रको अहमदनगर जिल्लाको कोपरगाउँबाट पक्राउ गरिएको बताएको छ भने कर्तार सिंहलाई छत्तीसगढ़को रायपुरबाट पक्राउ गरिएको छ।

एजेन्सीले भन्यो, सीबीआईले नोभेम्बर 2002 देखि जून 2005 सम्म 1,25,47,950 रुपियाँको यस ठगीको सम्बन्धमा अगस्त 2005 मा मुद्दा दर्ता गरेको थियो। अनुसन्धानको क्रममा दुवै अभियुक्तहरू देशबाट नेपाल भाग्न सफल भए। त्यसपछि एजेन्सीले आफ्नो अनुसन्धान जारी राख्यो र उनीहरूको गिरफ्तारीतर्फ डोऱ्याउने जानकारीको लागि प्रत्येकमाथि 25 हजार रूपियाँको पुरस्कार घोषणा गर्योउ। निरन्तर प्रयास, प्राविधिक इनपुट, सावधानीपूर्वक अनुसन्धान र एजेन्सीको संयुक्त कारबाहीको आधारमा दुवैलाई पक्राउ गरियो।

सीबीआईले भन्यो कि मुद्दाको अनुसन्धान जारी छ। दुवै अभियुक्तहरूलाई सक्षम अदालतमा पेश गरिनेछ।

हिन्दुस्थान समाचार / भवानी थामी