नयाँ दिल्ली, 22 जून (हि.स.)। विदेशमन्त्री डा. एस जयशंकर आफ्नो चार दिने विदेश भ्रमणको पहिलो चरणमा सोमवार मंगोलिया पुगेका छन्, जहाँ उनलाई मंगोलियाका विदेश सचिव मुनक्तुशिग इल्खानाजाभले स्वागत गरेका छन्।

विदेशमन्त्रीले सामाजिक सञ्जाल प्लेटफर्म एक्समा लेखेका छन्, मंगोलिया आइपुग्न पाउँदा खुशी लाग्यो। मंगोलियाका विदेश सचिव मुनक्तुशिग इल्खानाजाभले दिएको न्यानो स्वागतको लागि धन्यवाद। उनले विशेष साझेदारीलाई अगाड़ी बढ़ाउन अर्थपूर्ण संवादको आशा व्यक्त गरे।

विदेश मन्त्रालयले डा. जयशंकरले 22 र 23 जूनमा मंगोलियाको भ्रमण गर्ने बताएको छ। यस भ्रमणको क्रममा उनले मंगोलियाली नेतृत्वसँग भेट गर्नेछन् र आफ्ना समकक्षी विदेशमन्त्री बी बटसेत्सेगसँग वार्ता गर्नेछन्।

त्यसपछि विदेशमन्त्री 24 र 25 जूनमा दक्षिण कोरियाको भ्रमणमा जानेछन्। त्यहाँ उनले विदेशमन्त्री चो ह्युनसँग वार्ता गर्नेछन् र 25 जूनमा जेजूमा शान्ति र समृद्धिका लागि जेजू फोरम मा मुख्य भाषण दिनेछन्।

हिन्दुस्थान समाचार / भवानी थामी