नयाँ दिल्ली, २२ जून (हि.स.)। भारतका प्रधानमन्त्री नरेन्द्र मोदीले अन्तरराष्ट्रिय योग दिवसको अभूतपूर्व सफलताले योगले विश्वभरका करोडौं मानिसलाई शारीरिक रूपमा स्वस्थ बनाउनुका साथै आत्मविश्वासका साथ सकारात्मक जीवन जिउन प्रेरित गरिरहेको प्रमाणित गरेको बताएका छन्।

प्रधानमन्त्री मोदीले सोमबार सामाजिक सञ्जाल एक्समा एक संस्कृत सुभाषित साझा गर्दै योगको महत्त्व र यसले जीवनमा पार्ने सकारात्मक प्रभावबारे प्रकाश पारे।

उनले लेखेका छन्:

चित्तप्रशमनोपायो योग इत्यभिधीयते। प्राणस्पन्दनिरोधो वा द्वेधा योगस्य धारणा॥

यसको अर्थ, योग मनलाई पूर्ण रूपमा शान्त र स्थिर बनाउने सर्वोत्तम उपाय हो। यो लक्ष्य हासिल गर्न योगका दुई प्रमुख मार्ग बताइएका छन्' मनलाई शान्त बनाउने तथा श्वास-प्रश्वासको गतिलाई नियन्त्रण गर्ने। योगमार्फत व्यक्तिले मानसिक सन्तुलन, आत्मिक शान्ति र सकारात्मक ऊर्जा प्राप्त गर्न सक्छ।

प्रधानमन्त्री मोदीले योग आज विश्वभरका मानिसहरूको जीवनको महत्वपूर्ण हिस्सा बनिसकेको उल्लेख गर्दै यसले स्वस्थ, सन्तुलित र आत्मविश्वासले भरिएको जीवन जिउने मार्ग प्रशस्त गरिरहेको बताए।

---------------

हिन्दुस्थान समाचार / भवानी थामी