नयाँ दिल्ली, 23 जून (हि.स.)। भारतीय जनता पार्टीले भारतीय जनसंघका संस्थापक डा. श्यामा प्रसाद मुखर्जीलाई उनको बलिदान दिवसमा श्रद्धाञ्जलि अर्पण गरेको छ। मङ्गलबार आफ्नो सन्देशमा भाजपाका राष्ट्रिय अध्यक्ष नितिन नवीनले भने, एक प्रखर राष्ट्रवादी चिन्तक र माँ भारतीको अखण्डताका लागि आफ्नो सर्वस्व समर्पित गर्ने डा. श्यामा प्रसाद मुखर्जीलाई उनको बलिदान दिवसमा कोटि-कोटि नमन।

उनले भने, एक देशमा दुई विधान, दुई प्रधान र दु निशान चल्ने छैन को संकल्प एउटा नारा मात्र नभई राष्ट्रको एकता र अखण्डताका लागि अटुट संकल्प थियो। जम्मू-कश्मीरको पूर्ण एकीकरणका लागि उनको सङ्घर्ष र बलिदान भारतीय इतिहासमा अमिट रूपमा अंकित छ।

नितिन नवीनले भने, डा मुखर्जीले भारतीय जनसंघको स्थापना गरेर राष्ट्रवादी विचारधारालाई बलियो दिशा दिए र आफ्नो विचार, साहस र बलिदानले राष्ट्र प्रथमको भावनालाई जन-जनमा पुर्याए।

उनले भने, उनको जीवन र बलिदानले हामीलाई सँधै प्रेरणा दिइरहनेछ कि राष्ट्रिय हित सर्वोपरि हो र भारतको एकता, अखण्डता र आत्मसम्मानका लागि हरेक प्रयास गर्नु उनको जीवनलाई साँचो श्रद्धान्जलि हो।

---------------

हिन्दुस्थान समाचार / भवानी थामी