ट्रेनको चपेटमा परी व्यक्तिको मृत्यु
सिलगढ़ी, 28 जून (हि.स.)। ट्रेनको चपेटमा परी एकजना व्यक्तिको मृत्यु भयो। घटना आइतवार अपरान्ह कामराङ्गागुड़ी ओभर ब्रीजको छेउमा रेलवे लाइनमा भएको हो। मृतकको पहिचान मानिक भट्ट (60)- को रूपमा भएको छ जो फूलबाड़ी एक नम्बर ग्राम पञ्चायतको श्रीनगर कलोनीका निवासी थिए।
स्थानीय सूत्र अनुसार रेलवे ट्र्याकमा एउटा शव लड़िरहेको सूचना पाएर वरपरका मानिसहरू घटनास्थलमा पुगे। यो सूचना न्यू जलपाईगुड़ी थानाको पुलिस र रेलवे अधिकारीहरूलाई पनि दिइयो। त्यसपछि पुलिस र रेलवे अधिकारीहरू घटनास्थलमा पुगे। घटनाको खबर पाएर मृतकको परिवारजन पनि घटनास्थलमा पुगे जसले मृतकको पहिचान गरे।
पुलिसले शवलाई कब्जामा लिई पोस्टमर्टम गर्नको लागि पठाइदिएको छ। मामिलाको जाँचमा पुलिस जुटिसकेको छ।
-----
हिन्दुस्थान समाचार / उष्णता छेत्री शर्मा
सम्बन्धित समाचार
