कोलकाता, 14 जुलाई (हि.स.)। बेलघरिया एक्सप्रेसवेको सर्भिस रोडमा भएको हत्या प्रकरणमा पुलिसले मुख्य योजनाकार सहित तीन जना अभियुक्तलाई पक्राउ गरेको छ। दमदम थाना पुलिसले सोमवार राति विशेष अभियान चलाएर कथित योजनाकार सुमन राय र उसका दुई सहयोगीलाई पक्राउ गरेको छ।

पुलिस अनुसार, उत्तरी दमदमको खलिशाकोटा क्षेत्रको बेलघरिया एक्सप्रेसवेको सर्भिस रोडमा आइतवार राति घटना भएको थियो। यस अवधि राजा दत्त नामक एक व्यक्तिको गोली हानी हत्या गरिएको थियो भने अन्य दुई जना गम्भीर घाइते भएका थिए। घटनापछि सम्पूर्ण क्षेत्रमा तनाव फैलिएको थियो।

घटनाको अनुसन्धान गरिरहेको दमदम थाना पुलिसले विभिन्न सुरागका आधारमा सोमवार राति छापा मारेर मुख्य अभियुक्त सुमन राय र उसका दुई सहयोगीलाई पक्राउ गरेको छ।

पुलिसले घटनामा संलग्न अन्य फरार अभियुक्तहरूको खोजी गर्न निरन्तर छापा मारिरहेको बताएको छ। हत्याको षड्यन्त्र र अन्य पक्षहरूको पनि अनुसन्धान जारी छ।

हिन्दुस्थान समाचार / भवानी थामी